Borussia e Dortmundit më pranë se kurrë titullin kampion në Bundesligës. Verdhezinjtë përfituan nga humbja e Bayernit përballë Leipzigut, duke triumfuar 0-3 në fushën e Augsburgut, rezultat që zhvendos në vendin e dytë me dy pikë më pak pikërisht bavarezët. Episodi që i hapi rrugë fitores së verdhezinjve ndodhi në minutën e 59-të, me Haller që përfitoi nga një gabim i mbrojtjes, duke mposhtur portierin Koubek.
Duhet kujtuar që nga minuta e 38-të, Augsburgu luajti në inferioritet numerik, pasi Uduokhai u ndëshkua me karton të kuq. Golin e sigurisë së verdhezinjve e realizoi i njëjti autor, Haller, shtatë minuta para përfundimit të kohës së rregullt, duke mbyllur përfundimisht ndeshjen. Në minutat kohën shtesë erdhi edhe goli i katërt i Dortmundit, i shënuar nga Julian Brandt. Në ndeshjen e javës së fundit të Bundesligës Dortmund pret Mainzin dhe fitorja me këtë kundërshtar e shpall kampion të Bundesligës, pas një dekadë dominim të Bayernit.
