Aeroportet gjermane kanë paralajmëruar të hënën grevë të përgjithshme e për këtë arsye do të pezullohen 351 udhëtime. Në grevën 24-orëshe do të përfshihet kryesisht kontrollet e sigurisë. Ky lajm u bë i ditur nga sindikata.
“Duhet të priten kohë më të gjata pritjeje dhe anulime fluturimesh,” tha sindikata, e cila më herët dje bëri thirrje për të mbështetur kërkesat e punëtorëve për paga më të larta dhe kushte më të mira pune.
Menaxheri i përgjithshëm i kësaj strukture, Ralph Beisel u shpreh kundër kësaj greve duke akuzuar sindikatën se po ndërmerr hapa abuzive, duke shtuar se aeroportet përpiqen të merren me “krizën më të thellë në aviacion”.
Ndërkohë, sindikata pohon se paga për turnet e natës dhe të fundjavës nuk është rritur që nga viti 2006, ndërsa negociatat për rritje kanë nisur që nga 2013-ta.
m.b.dita
