Ish-kancelarja gjermane, Angela Merkel, është dekoruar me çmimin më të lartë të shtetit. Gruaja e parë që ka udhëhequr Gjermaninë, është dekoruar me çmimin “Kryqi i Madh i Urdhrit të Meritës”, për arritje të veçantë.
Çmimi i është dorëzuar nga presidenti gjerman, Frank-Walter Steinmeier, në një ceremoni të organizuar në Berlin. Në organizim morën pjesë kancelari aktual gjerman, Olaf Scholz, shefja e Komisionit Evropian, Ursula von der Leyen dhe ish-trajneri i ekipit kombëtar të Gjermanisë në futboll, Juergen Klinsmann.
Merkel ka folur gjatë mbrëmjes për “shumë përvoja të mira” përgjatë viteve që ka qenë kancelare. Vetëm dy ish-kancelarë të Gjermanisë janë nderuar me çmimin e njëjtë në të kaluarën: Konrad Adenauer, lideri i parë i Gjermanisë së pasluftës, dhe Helmut Kohl, i konsideruar si arkitekt i ribashkimit të Gjermanisë.
m.b/dita
