Një nxënës i vitit të dytë në gjimnazin “Skënderbeu” në Krujë ka hedhur spraj me piper drejt bashkëmoshatarëve të tij.
Për pasojë disa nxënës të shkollës janë ndjerë keq.
Shërbimi shëndetësor ka shkuar në ambientet e shkollës, ndërsa 3 nxënës, sipas burimeve vendore, janë dërguar në spital për të marrë ndihmë mjekësore.
Të tjerë po trajtohen në ambientet e shkollës.
Njoftimi i Policisë:
Krujë/Informacion paraprak
Më datë 12.09.2023, në një gjimnaz në Krujë, një nxënës 16 vjeç ka hedhur në klasë, gjatë procesit mësimor, një sprajt me përmbajtje piperi, i cili si pasojë ka krijuar shqetësime te disa nxënës të klasës.
Nxënësit po marrin ndihmën mjekësore në spitalin rajonal Krujë, ndërsa autori i dyshuar, së bashku me një 17-vjeçar, janë shoqëruar në komisariat, për veprime të mëtejshme.
Grupi hetimor po punon për sqarimin e rrethanave të ngjarjes.
j.l./ dita