Gjykata e Posaçme kundër Korrupsionit dhe Krimit të Organizuar ka shpallur fajtor ish-kryebashkiakun e Himarës, Jorgo Goro, duke e dënuar me 2 vjet e 20 ditë burg për akuzën e shpërdorimit të detyrës.
Dënimi i dhënë nga GJKKO ishte 3 vite e 1 muaj burg, por për shkak të gjykimit të shkurtuar ai zbret në 2 vite e 20 ditë.
Gjykata vendosi gjithashtu konfiskimin e dy pronave të përfshira në këtë çështje, me një sipërfaqe totale prej 10 mijë metrash katrorë në zonën e Dhërmiut, të cilat do të kalojnë në favor të shtetit.
Ndërkohë, apartamenti i sekuestruar si pjesë e hetimeve do t’i kthehet shtetasit Gentian Sula, sipas vendimit të gjykatës.
SPAK e ka akuzuar Jorgo Goron dhe dy ish-drejtorët e Bashkisë Himarë, Jerasimo Bashi dhe Vasillaq Strakosha, për përfshirje në dy raste të tjetërsimit të pronave në Dhërmi:
Në rastin e parë, prokuroria pretendon se Goro dhe vartësit e tij kanë dërguar në institucionet shtetërore dokumente të falsifikuara për një pronë prej 5,500 metrash katrorë, duke mundësuar regjistrimin e saj nga pronë shtetërore në pronësi private.
Në rastin e dytë, Goro dhe izh-zyrtarët loaklë dyshohet se kanë ndryshuar vendndodhjen e një prone bujqësore prej 5,000 metrash katrorë, duke e mbivendosur mbi një pasuri shtetërore dhe më pas e kanë shitur te investitorët. Pas kësaj, është lëshuar një leje ndërtimi për një kompleks turistik.
i.b./dita
Gjykatë e prokurorë qesharakë, tjetërsojnë 10m katrorë tokë merr 2 vjet burg, me kët dënim ata hajdutët motivohen ta përsërisin. Duhet min 15 vjet burg e se ban kush ma. Reforma ka dështu pa fillu ala.
Edhe ky ishte i zgjedhuri i popullit ? Si ka mundesi qe shumica e te zgjedhurve nga populli i Rames jane hajdute e te korruptuar e hajdute qe kerkojne te hane dardha mbas shpines se Rames?
Qesharak denimi.Toka qe ai ka tjetersuar ka nje vlere mbi 2 milion euro dhe denimi eshte teresisht qesharak.Denim duhet te kishte edhe per perfituesin per te cilin u be kjo vjedhje.Ne kohen e Enverit per nje vjedhje te tille denimi do te ishte me vdekje si dhe denim per perfituesin biznesmen dhe gruan e tij deputete.Hajdute te perjetshem dhe te pangopur.