Szymon Marciniak do të jetë gjyqtari i finales së UEFA Champions League mes Manchester City dhe Inter. Supersfida do të luhet në stadiumin Ataturk Olimpik në Stamboll të Turqisë, më 10 qershor në orën 21:00. Duket se si FIFA ashtu dhe UEFA nuk kanë më të besuar se polaku. Për më tepër kur si rregull, nëse gjykon një nga gjysmëfinalet, ke shumë pak shanse për finalen (drejtori Manchester City-Real Madrid 4-0, një javë më parë).
Polaku ishte vendosi drejtësinë edhe në sfidën gjysmëfinale mes anglezëve dhe Real Madrid ndërsa kjo do të jetë e para finale e këtij kompeticioni në karrierën e tij teksa në 2018 ishte gjyqtar i katërt. Marciniak ka qenë gjyqtar kryesor edhe në finalen e Botërorit në Katar, ku Argjentina ngriti lart trofeun. Pas kësaj finaleje, në rrjetet sociale u krijuan polemika për gjyqtarin që akuzohej se mbante në favor argjentinasit dhe në rrjete sociale është kthyer në formë shakaje që kudo ku shkel ai, argjentinasit festojnë.
Veç tij, ekipi i arbitrave do të përbëhet nga bashkëatdhetarët Sokolnicki dhe Listkiewicz ndërsa i katërt është rumuni Kovacs. Në dhomën e VAR do të jenë polakët Kwiatkowski, Frankowski dhe Fritz.
Gjyqtar: Szymon Marciniak (POL)
Asistentë: Paweł Sokolnicki and Tomasz Listkiewicz (POL)
I katërt: Istvan Kovacs (ROM)
Asistent rezervë: Vasile Florin Marinescu (ROM)
VAR: Tomasz Kwiatkowski (POL)
AVAR: Bartosz Frankowski (POL)
AVAR: Marco Fritz (GER)
