Policia e Shtetit ka zhvilluar një operacion të gjerë kundër grupit të njohur kriminal të identifikuar si “Rraja”, duke finalizuar arrestimin e disa personave që dyshohen për veprimtari të strukturuar kriminale.
Burime nga organet e rendit bëjnë të ditur se mes të ndaluarve ndodhet edhe djali i ish-deputetit socialist Rrahman Rraja.
Operacioni është zhvilluar në disa zona të Tiranës dhe Fushë-Krujës, pas një hetimi të zgjeruar që ka përfshirë mbledhjen e provave për aktivitet të dyshuar kriminal, por deri tani policia nuk ka dhënë detaje të plota mbi akuzat e secilit të arrestuar.
Autoritetet kanë njoftuar se informacioni i plotë pritet të bëhet publik sapo të përfundojnë procedurat e para zyrtare dhe të kryhen veprimet e para hetimore në bashkëpunim me prokurorinë.
Operacioni i sotëm vjen në vazhdën e një sërë goditjesh kundër strukturave kriminale në zonën e Fushë-Krujës, ku gjatë viteve të fundit grupet rivale janë përfshirë në ngjarje të rënda kriminale.
Detaje të tjera lidhur me arrestimet, akuzat dhe provat e sekuestruara pritet të bëhen publike në orët në vijim.
Anëtarët e grupit “Rraja” akuzohen per veprat penale trafikimi i lendeve narkotike e kryer ne bashkepunim ne formen e vecante te bashkpunimt ate te grupit te strukturuar kriminal parashikuar nga nent 283/a/1 dhe 28 pika 4 te 333/a si edhe neni 334/1 K Penal
6 masat e sigurisë:
Marvin Bushati
Agim Nina alias Lorenc Izet Selmani
Sokol Qaja
Gazmir Rraja
Perparim Rraja
Rexhep Rraja
j.l./ dita
Rilindja e Vezirit te Surrelit. Rilindje
Neo-otomane si shallvaret e tij!