Situata e zjarreve në Greqi ka dalë jashtë kontrollit dhe autoritetet kanë nisur evakuuimin e banorëve nga zonat më të rrezikuara.
Prej 6 ditësh 13 rajone ndodhen në gjendje alarmi pasi perimetri i vatrave të zjarrit u zgjerua.
Zona më kritike vijon të jetë Rodos.
Situata paraqitet e rrezikshme gjithashtu edhe në Thesali: Larisa dhe Magnezia. Në Greqinë Qendrore, Fthiotida, Focida, Boeotia, Atika dhe Evia.
Në Peloponez janë Korintia dhe Argolida, por edhe pjesë e Akaisë, si dhe Mesinia dhe një pjesë e Ilisë.
Në shkallën tjetër më të ulët (4 – Shumë e lartë) janë pjesa tjetër e Peloponezit, Aitolakarnania, pjesa tjetër e Thesalisë, Kretës dhe pjesë të Maqedonisë. Sipas meteorologëve, sot pritet që temperaturat në vend të rriten sërish.
Sipas njoftimit, emergjencat civile dhe zjarrfikësit po punojnë për neutralizimin e flakëve në Kytotari dhe në jugperëndimr deri në Gennadi. Sakaq, bëhet me dije se ka nisur evakuuimi i vizitorëve dhe banorëve në zona të sigurta.
“Me evakuime, vendasit dhe vizitorët janë ridrejtuar në hotele, qendra konferencash, shkolla dhe hapësira të tjera publike dhe po kujdesen për (ushqim, ujë, vëzhgim mjekësor). Në koordinim me MPJ-në (Ministrinë e Punëve të Jashtme) sot do të ngrihet një pikë e nxehtë në aeroportin e Rodosit në mënyrë që vizitorët që kanë humbur dokumentet e udhëtimit gjatë evakuimit të mund të kthehen në shtëpi”, thuhet në njoftim.
j.l./ dita
