Dyshimet për ndërhyrje në kompjuterat e SPAK u faktuan ditën e djeshme pas një reagimi të Prokurorisë së Posaçme ku konfirmonte arrestimin e dy personave.
Sulmi kibernetik ka arritur të depërtojë në e-mailet e 3 prokurorëve të posaçëm të SPAK, ndërsa nuk është arritur të zbërthehet adresa elektronike e kreut të këtij institucioni, Altin Dumani.
Në studion e Top Story, gazetarja Anila Hoxha ka zbardhur detaje rreth kësaj ngjarjeje të paprecedentë, ndërsa tha se i ka nisur një shkresë zyrtare SPAK për të marrë informacion zyrtar, por që është përballur me një heshtje.
“Janë nën hetim dhe në arrest me burg, dy shtetas, Arnold Rrokaj dhe Zambak Gjonaj, ky i fundit jurist. Kanë rënë kontakt me njëri tjetrin kur Gjonaj ishte drejtor i paraburgimit në Vlorë, ndërsa Rrokaj sipas dijenisë sime është IT. Ne nuk e kemi ende të shkruar zyrtarisht që do ishte gjëja më normale, se cila është vepra penale se për çfarë dyshohen këta dy persona.
Nuk ka sekrete të kësaj natyre të sigurisë kombëtare ku duhet të mbahet sekret emri. Dyshohen se në 12 mars nisën një sulm për të hakeruar dhe ndërhyrë në adresat e e-mail të tre prokurorëve të posaçëm dhe përmes e-mail është shkuar në kompjuterët e tyre, madje siç më është konfirmuar jo zyrtarisht, se unë në 14 mars kam dërguar kërkesën e parë dhe kërkova informacion nga SPAK, mu kërkuar që ta dërgoja me e-mail që të protokollohej dhe ikën tre ditë… kishte një heshtje dhe pas disa ditësh kërkoj sërish, ridërgoj kërkesën për informacion të detajuar tashmë, siç e thotë ligji për t’u informuar që siç duket është ligj fantazmë. Ende nuk e dimë cilat janë krimet konkrete që kanë bërë ish drejtori i paraburgimit dhe IT.
Është ndërhyrë në kompjuterin e prokurorit Behar Dibra, që po heton disa grupe kriminale, dhe në kompjuterët e dy prokuroreve që hetojë jo vetëm çështje të krimit të organizuar por edhe të korrupsionit. Në dijen time, janë marrë dhe e-mail të prokurorëve në komunikim me përfaqësues ndërkombëtar në Shqipëri të natyrës së shkëmbimit të informacionit, por është një informacion jozyrtar dhe nuk do rrezikoja për të dhënë më tepër sepse kam parasysh vendimin e prokurorit për sekretin hetimor”, u shpreh Anila Hoxha.
“Ky hakerim dyshohet se është bërë nga një grup i strukturuar kriminal, por grup kriminal i strukturuar nuk ka me dy persona. Shpresojmë që ky institucion të ketë rezultate sa më shpejt dhe të zbulojë realisht se çfarë ka ndodhur dhe sa i madh është dëmi”, tha ajo.
j.l./ dita
Duhet të hetohet nga SPAK edhe Edit Xhajanka andej nga fakulteti i Stomatologjise se ka bëre shume dallavere dhe korrupsion sa nuk mund te mbrohet nga burri i saj nje veshegjate si kalli perpjete pa kokra! Ky vend do shpetoje vetem kur te futet ne burg gjithe kjo race hajdutesh e kriminelesh!
Copat e budallackave kush e kush te luaje me informacionin me te detajuar qe dha vete Institucioni.Shkoni moj lavire! U bete te gjitha si klodiana!