SPAK ka reaguar këtë të enjte me një njoftim zyrtar në lidhje me hakerimin e e-maile-ve të disa prokurorëve të kësaj strukture.
Sipas SPAK më datën 12 mars 2025 u mor informacion për një tentativë të paligjshme për të ndërhyrë në adresat e e-maileve të prokurorëve të kësaj strukture.
Nga verifikimet e kryera, ka rezultuar se ndërhyrja ka prekur vetëm disa adresa e-mail dhe jo sistemin e përgjithshëm të IT-së, ndërsa po ashtu tentativat për të marrë akses në dosjet hetimore dhe për të depërtuar në email-in e Drejtuesit të Prokurorisë, Altin Dumani, kanë dështuar.
Hetimi intensiv i drejtuar nga Prokuroria e Posaçme, me mbështetje nga BKH dhe Sektori i Ekspertizës, çoi në arrestimin brenda 24 orëve të dy personave të dyshuar, njëri prej të cilëve realizoi ndërhyrjen dhe tjetri shpërndau informacionet.
Përveç kësaj, janë sekuestruar pajisjet dhe skedarët e shkarkuar, ndërsa autoritetet kanë paralajmëruar që informacionet e marra të mos publikohen.
SPAK po vazhdon hetimet për këtë çështje, duke dyshuar për ekzistencën e një grupi të strukturuar kriminal që mund të ketë qenë pas këtyre veprimeve të paligjshme.
Për të siguruar integritetin e dosjeve dhe mbrojtjen e të dhënave të ndjeshme, janë marrë masa shtesë për forcimin e protokolleve mbrojtëse të sistemit të IT-së.
Sipas SPAK, në këtë fazë të hetimeve, nuk ka informacione që sugjerojnë bashkëpunim të personave të arrestuar me stafin e brendshëm të këtij insitucioni.
Njoftimi i plotë i SPAK
Prokuroria e Posaçme kundër Korrupsionit dhe Krimit të Organizuar mori informacion në datën 12 mars 2025 se ishte vënë në shënjestër të një ndërhyrje të paligjshme të adresave të email-eve të prokurorëve të posaçëm.
Falë masave të sigurisë, nuk u arrit të ndërhyhej në sistemin e brendshëm të Strukturës së Posaçme kundër Korrupsionit dhe Krimit të Organizuar (SPAK), i cili mbetet i pacënuar.
Nga verifikimet, ka rezultuar se është ndërhyrë vetëm në adresat e e-maile-ve të disa prokurorëve, por jo në sistemin e përgjithshëm të IT-së të institucionit.
Personat përgjegjës kanë arritur të marrin disa informacione, pa mundur të sigurojnë akses në dosje hetimore.
Po ashtu, ata kanë tentuar të ndërhyjnë edhe në email-in e Drejtuesit të Prokurorisë së Posaçme, Z. Altin Dumani, por pa sukses.
Falë një hetimi intensiv të drejtuar nga Prokuroria e Posaçme, me përfshirjen e BKH-së si dhe Sektorit të Ekspertizës të kësaj Prokurorie u bë e mundur që të zbulohej kjo ndërhyrje e paligjshme, duke identifikuar dhe arrestuar brenda 24 orëve dy shtetas – individin që ka realizuar ndërhyrjen në e-mail-e dhe atë që ka shpërndarë informacionin tek persona të tretë.
Gjithashtu u bë e mundur sekuestrimi i paisjeve të përdorura për të realizuar ndërhyrjen si edhe skedarët (file) e shkarkuar.
Prokurori i çështjes, me qëllim ruajtjen e sekretit hetimor, ka urdhëruar personat të cilët kanë rënë në posedim të këtyre informacioneve të mos i publikojnë ato.
Ndërkohë, janë marrë në pyetje edhe individë të tjerë që mund të kenë pasur lidhje me personat e arrestuar dhe kanë poseduar informacionet.
Paralelisht me procedimin penal, Prokuroria e Posaçme nisi hetimin e brendshëm administrativ, i cili konfirmoi se sistemi i përgjithshëm i IT-së nuk është cënuar.
Njëkohësisht, janë marrë masa shtesë për forcimin e protokolleve mbrojtëse të sistemeve i përgjithshëm i IT-së të institucionit.
Deri në këtë fazë të hetimit nuk ka asnjë të dhënë që personat e arrestuar të kenë bashkëpunuar me personel të brendshëm të SPAK.
SPAK siguron publikun dhe të gjitha palët e interesuara se janë marrë të gjitha masat për të mbrojtur dosjet, të dhënat e ndjeshme dhe për të ruajtur integritetin e infrastrukturës së institucionit.
Hetimet lidhur me këtë çështje vijojnë në kuadër të dyshimeve për ekzistencën e një grupi të strukturuar kriminal.
Nuk mund te behet pa nje ndihme nga Brenda SPAK-ut, i cili eshte bere si sigurimi i shtetit! Mbani akoma Olsi Dadon cfare turpi!
Nga fjalët në vepra, filloj sulmi i hapët nga brënda SPAK i koalicionit anti SPAK i drejtuar nga bufi i kobshëm jo plak i kënetës kërmë të korrupsionit krimit dhe kusaris kombçfarosëse mbi 30 vjeçare , Edi Rama dhe bufit plak të kësaj kënete, Sali Berisha për të vën në shinat e kësaj kënete ose për ti hequr zvarr nga zyrat prokurorët e SPAK .
Altin Dumani të ketë kujdes nga Kondilët dhe Gjin Gjonët e infiltëruar brënda SPAK e GJKO në këtë luftë për jetë a vdekje midis bandës së bufenjëve të kënetës të llumit të qelbur politik shqipëtar dhe SPAK. Bufenjtë shëmtira të kënetës mezi po presin që të zotërojn kuvëndin në 11maj me Çyrbet e tyre të lisatave të mbyllura që të shkatrrojn pa mëshirë SPAK , shpresën e shqipëtarëve të ndershëm që prokurorët që u dhimbset kombi shqipëtar dhe Shqipëria
me guxim, pa u impresionuar e trëmbur nga klithmat e bufenjëve të kënetës, pa ju dridhur zemra e dora, me shpatën e drejtësis ti presin tre kokat e llahtarshme të kuçedrës që ka mbi 30 vjetë që ka pushtuar vëndin dhe po shqyen pa mëshir kombin deri në çfarosje dhe po gllabëron pasurit e vëndit më keq se çdo pushtues që ka kaluar gjer më sot në këto troje.
Shpresoj që në këtë luftë për jetë a vdekje të mos dal fitimtar koalicioni i bufenjëve shëmtira të kënetës së krimit , korrupsionit dhe kusaris kombçfarosëse por fitimtarët të jenë prokurorët e ndershëm të SPAK (jo Kondilët patronazhistë të infiltëruar) dhe
o njerëz , po u pren tre kokat e kuçedrës , po u futën në kafazin e drejtësis tre bufenjtë e shëmtuat kobzinjë të kënetës krimet e të cilëve nuk kanë të numruar, ky akt do të jetë një çlirim i kombit nga pushtimi më barbar dhe më shkatrrimtar në histori. Vepra e prokurorëve trima, kurajoz dhe atdhe e popull dashës do të jetë më madhështore se shpallja e pavarsisë nga pushtuesit turq, më e lavdishme se çlirimi i vëndit nga pushtuesit nazi fashistë,
joooooo ……….pushtuesit e bandës së kusarëve të llahtarshëm Sali Berisha, Ilir Meta dhe Fatos Nano e Edi Rama ja kanë kaluar edhe pushtuesve turqë dhe nazifashistë nga poshtërsit që i kanë bër kombit shqipëtar dhe Shqipëris.