Njëzet e katër persona të mbajtur peng për gati shtatë javë në Rripin e Gazës u liruan të premten si pjesë e një armëpushimi midis Izraelit dhe Hamasit. Sipas zëdhënësit të Ministrisë së Jashtme të Katarit, Majed Al-Ansari, grupi përfshin 10 shtetas tajlandez, 13 izraelitë dhe një filipinas.
Ata janë tani në Izrael. Përveç kësaj, 39 gra dhe adoleshentë palestinezë u liruan nga burgjet izraelite dhe ishin rrugës për në Bregun Perëndimor. Gjithsej 50 pengje priten të lirohen gjatë armëpushimit katërditor.
Mossad dhe Forcat e Mbrojtjes të Izraelit morën listën e dytë të pengjeve izraelitë që do të lirohen sot si pjesë e kornizës së rënë dakord me Hamasin, sipas zyrës së kryeministrit izraelit.
Zyrtarët e sigurisë po shqyrtojnë listën me emra, ku përfshihen edhe fëmijë. Koordinatori i pengjeve në Izrael, Gal Hirsch, ua dha informacionin familjeve të pengjeve.
Lista nuk do të publikohet derisa pengjet të jenë të sigurt në duart e Izraelit. Hamasi publikoi një video që tregonte shumë nga 24 pengjet e liruara duke iu dorëzuar zyrtarëve të Kryqit të Kuq brenda Gazës të premten.
Tridhjetë e nëntë persona u liruan të premten si pjesë e marrëveshjes midis Izraelit dhe Hamasit, e cila gjithashtu çoi në lirimin e 24 pengjeve nga Gaza dhe fillimin e një armëpushimi katër-ditor në enklavë. Njëzet e dy gra ishin në mesin e të liruarve, si dhe dy vajza. 15 adoleshentë nën moshën 18 vjeç, më i riu 14 vjeç, u liruan gjithashtu.
https://x.com/ShaykhSulaiman/status/1728165263760036260?s=20
p.c. / dita
