Princi Harry “nuk do të falet kurrë” për zbulimin e detajeve të bisedave private me babain e tij Mbretin Charles dhe vëllain Princin William në librin e tij me kujtimet tronditëse, ka raportuar The Mirror.
Burime pranë familjes mbretërore thanë se Duka i Sussex-it do të cilësohej si “tradhtar” për shkak të Spare, që përfshin akuzat se William e sulmoi atë ndërsa ata debatonin për gruan e tij, Meghan.
Një ish-punonjës mbretëror, i cili e njihte William dhe Harry-n ndërsa punonin në shtëpi, tha se “nuk do të kishte më kthim për Harry”.
“Unë besoj se ai nuk do të falet kurrë. Pas gjithçkaje që ai ka thënë për privatësinë dhe ndërhyrjen, kjo është e vështirë për t’u kuptuar. Fjalët e tij janë kaq të egra dhe të synuara. Nuk dyshoj se ai ende e do babanë dhe vëllanë e tij, por është e pamundur të shihet se si ai nuk do të pendohet ashpër për vendimin e tij për ta bërë këtë. Ai e di se do të etiketohet si tradhtar, duke kapërcyer një vijë të kuqe kaq shumë herë, babai i tij, vëllai i tij, Princesha (e Uellsit) dhe Camilla, është krejtësisht e jashtëzakonshme”, mësohet të jetë zbuluar nga burimi.
Në rrëfim Harry akuzon William dhe Kate të cilët e detyruar të vishte një uniformë naziste gjatë një festë me maskë. Dje u publikua rrëfimi tronditës i sherrit më të vëllanë William.
“The Guardian” theksonte se libri tregon për një debat mes vëllezërve për shkak të bashkëshortes së Princit Harry, Meghanit. Konfrontimi u përshkallëzua, shkruan Harry, derisa William “më kapi për jake, duke më terhequr gjerdanin dhe … më rrëzoi në dysheme”, rrëfente Harry.
Një tjetër rrëfim ndonditës i Harry-t është ai që princi ka konsumuar kokainë në moshën 17-vjeçare.
j.l./ dita
