Raportimet për helmimin e vajzave të vogla në Iran janë “thellësisht shqetësuese” dhe bota duhet të dijë se çfarë i shkaktoi ato sëmundje, tha sot zëdhënësi i Sigurisë Kombëtare të Shtëpisë së Bardhë, John Kirby.
Në fillim të kësaj jave, dhjetëra nxënëse u pranuan në spital pas një helmimi misterioz, i fundit në një seri sulmesh të dyshuara në Iran.
Gjatë tre muajve të fundit, qindra nxënëse kanë raportuar probleme me frymëmarrjen, kryesisht në qytetin Kom në pjesën jugore të vendit.
Të dielën, nxënësit e një shkolle vajzash në Borujerd u dërguan me urgjencë në spital pas një incidenti të ngjashëm, i katërti në qytetin perëndimor iranian në javën e kaluar. Parlamenti i Iranit mbajti një seancë për të diskutuar sulmet e dyshuara në prani të ministrit të shëndetësisë së Iranit Bahram Ejnolahiao.
