Në moshën 99-vjeçare, ish-diplomati që shërbeu nën dy presidentë dhe luajti një rol kyç në përcaktimin e politikës së jashtme amerikane gjatë Luftës së Ftohtë është bërë një opinionist i shpeshtë i zhvillimeve më të fundit të A.I.
A.I. ka shkaktuar ethe në muajt e fundit, që kur debutimi i ChatGPT i OpenAI në nëntor shtyu Microsoft, Google dhe kompani të tjera të teknologjisë që të nisin një garë ‘armatimi’. Njerëzit dhe bizneset tani po përdorin A.I. në shifra rekord.
Por Kissinger, ish-Sekretari i Shtetit dhe Këshilltari i Sigurisë Kombëtare, i cili do të bëhet njëqindvjeçar më 27 maj, ishte i preokupuar me A.I. vite përpara se chatbot-et inteligjente të hynin në përdorim.
“Shpejtësia me të cilën vepron inteligjenca artificiale do ta bëjë atë problematike në situata krize”, tha Kissinger në një intervistë për CBS. “Tani po përpiqem të bëj atë që bëra në lidhje me armët bërthamore, të tërheqë vëmendjen për rëndësinë e ndikimit të këtij evolucioni”, shtoi ai.
Kissinger, Schmidt dhe Huttenlocher paralajmëruan se kapacitetet e A.I. mund të “zgjerohen në mënyrë eksponenciale” në një shkrim të shkurtit për Wall Street Journal.
Kompleksiteti në rritje i A.I. do të thotë se edhe krijuesit e saj nuk janë plotësisht të vetëdijshëm për atë që mund të bëjë, paralajmëruan bashkëautorët. “Si rezultat, e ardhmja jonë tani përmban një element krejtësisht të ri të misterit, rrezikut dhe befasisë”, shkruajnë ata.
Interesi i Kissinger për pasojat e A.I. daton në vitin 2016, kur ai mori pjesë në Konferencën e Bilderberg-ut të atij viti, një forum i mbajtur që nga vitet 1950 për përafrimin e interesave të SHBA-së dhe Evropës. Ai mori pjesë në konferencë me ftesë nga Kryetari i atëhershëm Ekzekutiv i Google, Eric Schmidt, sipas një artikulli të “Time”, më 2021. Të dy bashkë-shkruan një libër, së bashku me shkencëtarin kompjuterik Daniel Huttenlocher, të titulluar ‘Epoka e A.I.’
Mbi 1000 teknologë, historianë dhe shkencëtarë kompjuterikë kërkuan një moratorium mbi zhvillimin e A.I në një letër të hapur në mars.
a.q. / dita
