Redaksionale DITA
Prej disa ditësh, i është dhënë lexuesit me detaje mënyra se si u zgjodh drejtuesi i Byrosë Kombëtare të Hetimit. Është një çështje që prek drejtpërdrejt besimin te drejtësia dhe te ideja se në këtë vend, përfundimisht, duhet të fitojë më i miri.
Fundja, prandaj u bë Reforma me kosto kaq të rënda.
Nga dokumentet e publikuara rezulton se gara ka pasur një renditje të qartë sipas pikëve. Kandidatët janë vlerësuar, janë krahasuar dhe në fund është nxjerrë një listë. Por nuk është shpallur fitues kandidati me më shumë pikë.
Në çdo proces normal, renditja ka kuptim vetëm nëse respektohet. Përndryshe, ajo kthehet në një formalitet bosh, në një procedurë që ekziston vetëm për të dhënë pamjen e meritokracisë, jo për ta zbatuar atë.
Për këtë arsye, përmes kësaj letre të hapur, ne i drejtohemi Këshillit të Lartë të Prokurorisë dhe SPAK-ut me disa pyetje të drejtpërdrejta, të cilat nuk janë as politike dhe as akuzuese.
Kërkojmë një shpjegim të qartë për publikun:
– A mund të na shpjegoni mbi çfarë baze ligjore është anashkaluar kandidati me më shumë pikë?
– Cilat janë kriteret konkrete që e bënë fitues z.Joni Keta, pavarësisht renditjes më të ulët në këtë proces?
– A ekziston një raport i plotë dhe i arsyetuar që shpjegon këtë vendimmarrje dhe, nëse po, pse nuk është bërë publik?
– A është konsideruar pikëzimi si instrument real vendimmarrjeje, apo vetëm si një procedurë formale pa ndikim përfundimtar?
– Z.Behar Dibra, anëtari i tretë i Komisionit përzgjedhës të SPAK nuk ka qenë dakord. Pse nuk është bërë ky dokument as pikë diskutimi në KLP, as transparent për publikun?
– Si mund të garantohet se një situatë e tillë nuk do të krijojë një precedent për proceset e ardhshme?
Këto janë pyetje që lindin natyrshëm nga fakte që tashmë janë në sytë e publikut. Nuk kërkojnë interpretime të ndërlikuara.
Në mungesë të tyre, nuk vihet në diskutim një emërim, por besimi te sistemi. Transparenca nuk është luks, as zgjedhje. Sipas ligjit është detyrim ndaj qytetarëve.
Kjo letër nuk është akuzë. Është një kërkesë e thjeshtë për sqarim. Në një proces që synon të jetë model i meritokracisë, çdo paqartësi e pambuluar me argumente të forta, kthehet në dyshim.
Redaksia jonë mbetet e hapur për të publikuar çdo përgjigje zyrtare nga institucionet e sipërpërmendura, pa asnjë ndërhyrje.
Heshtja, në këtë rast, nuk i shërben askujt.
Investigimi – Pjesa II (kliko)
Pika qe nuk na bie kur besojme se kapitalizma a e omel si hallva..!
Miku dhe favoret ne Shqiperi jan ‘sport kombëtar’, kaq e pat dhe reforma
Pazari asht i madh shumë, prandaj ka heshtje
po kta kan mbyll pazarit miko.. rrin urt e hajn dardha se i kan punt n’vij. mos u lodh kot se kti populli i pelqen me nejt n’gjum. rrespekte per shkrimin po kta jan bo lkur lope skan mshir.
Iiiii sa e keni qef me i ra karit me dor.. po kush t’nigjo ty mer djal? kta e kan nda tepsine me koh. i pari i dyti i fundit.. rendsi ka me qen “cun i joni”. pika mo rregullave t’reforma prrallave.
Po sali bisha pse s’bertet? kta jan bo te gjith nji jashtqitje. Te vjen me vjell kur shef mbledhjet e klp-s si kuklla.
ore po per ne qe skemi me ca me ble vajin a ka noi lajm? se kta zotrinjt e bkh-s i kan rrogat 5 milion e s’pyesin per ne. rrini urt ju rrini se mir na e bojn.
Ka media që na kujtojnë se jemi qytetarë dhe jo thjesht spektatorë.
Kush hesht sot, do të pendohet nesër.
Por une kam frike se askush nuk i behet vonë.Heshtja vret më shumë se plumbi. Një popull që nuk reagon është i destinuar të vuajë.
Nuk është vetëm heshtje, është zhgënjim i thellë. Njerëzit kanë folur, por askush nuk i ka dëgjuar. Megjithatë, dakord dorëzimi nuk është opsion