Humbi ndaj Milanit, Roma shkarkon trajnerin Jose Mourinho për rezultate të dobëta

Humbja me Milanin në transfertë i ka kushtuar shumë portugezit, Jose Mourinho pasi ky i fundit është shkarkuar nga pankina e Romës.

Lajmi është bërë i ditur nga vetë klubi verdhekuq përmes një postimi në rrjetet sociale.

“Roma njofton se Zhoze Murinjo dhe bashkëpunëtorët e tij teknikë do të largohen nga klubi me efekt të menjëhershëm. Përditësimet e mëtejshme në lidhje me udhëzimet e reja teknike të Ekipit të Parë do të komunikohen së shpejti”, shkruhet në Twitter.

Tekniku portugez lë skuadrën me dy finale europiane, një në Europa League dhe një në Conference League. Këtë të fundit e fundit në Tiranë ndaj Feyenoord, duke i siguruar Romës një trofe pas shumë vitesh thatësirë.

Megjithatë, ky sezon nisi keq, me skuadrën që humbi shumë terren me vendin e katërt në kampionat dhe u eliminua në Kupën e Italisë ndaj Lazios.

Në pak kohë në krye të Romës, Mourinho bëri atë që nuk e kishte bërë askush më parë, i dhuroi Romës një trofe Evropian, Confernece League, ku në Tiranë fitoi finalen përballë Feynoord.

Jo vetëm kaq, por në 2022, vitin pasues, Mourunho e dërgoi Romën sërish në një finale Evropiane, këtë herë në Europa League, por nuk arriti ta fitonte.

Sipas mediave italiane, Daniele De Rossi është emri i përzgjedhur për të zëvendësuar Jose Mourinho-n në stolin e Romës. Emërimi i tij pritet të bëhet zyrtar në orët në vijim.

j.l./ dita