Një ngjarje e rëndë ka ndodhur në Florida të Shteteve të Bashkuara të Amerikës ku një shqiptar nga Kosova ka humbur jetën në përpmjekje për të shpëtuar një fëmijë nga mbytja në det.
Ngjarja ka ndodhur ditën e djeshme kur shqiptari, Adem Qorri i cili jetonte me familjen e tij në Florida hyri në det për të shpëtuar një fëmijë i cili po mbytej por fatkeqësisht humbi jetën.
Kanë qenë miqtë dhe familjarët e tij, që kanë njoftuar lajmin e dhimbshëm.
“Me pikëllim të madh morëm lajmin për vdekjen tënde në Amerikën e largët! Të vdesësh duke shpëtuar jetë është vdekje fisnike! Do të mbetesh i pavdekshëm! Për herë në zemrat tona, Adem Halim Qorri”, ka shkruar një familjar i Ademit.
Qorri së bashku me ekipin e djalit 10 vjeç (futboll amerikan) ishte nisur për në plazh të Floridës për të festuar fitoren, papritmas rrymat e ujit janë shfaqur dhe si pasojë i mori jetën të ndjerit, Ademit. Ademi ka lënë pas gruan dhe tre fëmijë.
o.j/dita
