Ekzekutohet në mënyrë makabre Leandro Antonio Norero Tigua brenda burgut në Ekuador. I cilësuar si bosi i krimit, Leandro Norero Tiguas iu pre koka gjatë një trazire brenda institucionit të vuajtjes së dënimit më 3 tetor.
Mësohet se Leandro Antonio Norero Tigua ishte arrestuar që nga maji 2022 për një rast pastrimi parash, ndërsa emri i tij u lidh edhe me vrasjen e shqiptarit Ergys Dashi në Ekuador. Shqiptari Ergys Dashi u vra më 23 janar të 2022 me 20 plumba në një lokal në Ekuador.
Në orën 13:30 të datës 3 tetor 2022, pas kryerjes së regjistrimit të burgjeve, në burgun e Cotopaxis kanë nisur të shtëna me armë zjarri.
Gjatë gjithë pasdites, ndërsa njësitë e Policisë Kombëtare u përpoqën të rivendosnin rendin, ndërsa punonjësit e burgut u arratisën nga dritaret dhe daljet u hapën nga pavioni i grave për të mos u goditur nga plumbat. Ndërkohë që po ndodhte, u forcua thashethemet për vdekjen e Noreos, themeluesit të Chone Killers, i cili në vitin 2020 falsifikoi vdekjen e tij.
Leandro Antonio Norero Tigua njihet si ‘El Patron’ dhe befasoi vendin pasi u arrestua, pavarësisht se u llogarit si i vdekur.
35-vjeçari, i cili do të ishte një nga trafikantët kryesorë të drogës në vend, kërkohej nga sistemi i drejtësisë peruane. Megjithatë, ai falsifikoi vdekjen e tij në vitin 2020 . Kështu ai arriti t’u shmangej autoriteteve peruane.
Por, në vitin 2022, Norero u burgos pas një operacioni ku iu gjetën 6 milionë dollarë dhe shufra ari.
Sipas Policisë, Norero do të kishte qenë financuesi i tre bandave kriminale: Los Lobos – mega-banda e dytë më e madhe në Ekuador, Los Tiguerones dhe Los Chone Killers .
Të tre bandat janë armiq të Los Choneros. Gjithashtu bëhet e ditur se më 13 shtator 2022 u zhvillua seanca përgatitore për gjykimin, për veprën e dyshuar të pastrimit të parave.
Rreth 500 të vdekur, që nga viti 2020
Kjo përballje e re mes të burgosurve ndodh në një varg masakrash që, që nga viti 2020, kanë lënë të vdekur afro 500 të burgosur.
Të mërkurën, më 28 shtator 2022, u bë një vit nga masakra më e përgjakshme në historinë e vendit. Në burgun Litoral (Guayas). Në total janë vrarë 125 persona të privuar nga liria.
j.l./ dita
