Serbia nuk mund të bëhet anëtare e Bashkimit Europian pa e njohur Kosovën. Ky është qëndrimi i Berlinit, sipas të dërguari të posaçëm të Gjermanisë për Ballkanin Perëndimor, Manuel Sarrazin.
Duke folur për gazetën serbe “Nova”, Sarrazin tha se hyrja e Serbisë në familjen e vendeve evropiane “nuk është e mundur as pa mediat e lira dhe demokraci”.
“Gjermania ka pasur gjithmonë qëndrim shumë të qartë për këtë çështje, para përfundimit të procesit të normalizimit të marrëdhënieve, kur Serbia të vendosë për anëtarësim në BE, njohja e Kosovës do të jetë pjesë e procesit”, tha Sarrazin.
Ai shtoi se një qëndrimi i tillë është shprehur qartë nga kancelari Olaf Scholz gjatë vizitës së tij në Serbi, në qershor të vitit të kaluar. Sarrazin tha se BE-ja është udhëheqësja e negociatave mes Beogradit dhe Prishtinës dhe se është e domosdoshme që palët të arrijnë marrëveshje sa më shpejt që është e mundur.
BE-ja, ndërkohë, ka konfirmuar se, më 20 janar, përfaqësuesi i posaçëm evropian për dialogun Kosovë -Serbi, Mirosllav Lajçak, do të udhëheqë një vizitë të diplomatëve evropianë dhe amerikanë në Prishtinë dhe Beograd.
Delegacioni do të përfshijë të dërguarin amerikan për Ballkanin Perëndimor, Gabriel Escobar, këshilltarë të kancelarit gjerman dhe presidentit francez, si dhe një këshilltar të kryeministres italiane.
Qëllimi i vizitës, sipas burimeve evropiane, është përgatitja për mbajtjen e një takimi të ri mes kryeministrit të Kosovës, Albin Kurti dhe presidentit të Serbisë, Aleksandar Vuçiç në Bruksel.
o.j/dita
Kush tha qe Serbia deshiron te hyje ne BE?
Bravo gjermani, keto fjale te tij duhet te mesojne ti thone edhe amerikanet para se ti bejne presion Albin Kurtit per tu ulur ne nje tryeze bisedimesh dypaleshe me nje shtet qe nuk ja njeh pavaresine.
Sa per dijeni shqiperi-kosove eshte nje komb ,nje shtet.Vetem antishqiptaret jane duke e zvaritur vetem per interesat e tyre pasurore te fituar duke shitur bashkekombesat.
Hahaaaaa
Me ke flet?
Sondazhet ne serbi thone te kunderten qe shumica e tyre nuk don BE
Uluni me kembe ne toke ashtu si u ulet kur rusia tregoi qe nuk ishte ajo qe gjermania thonte
Pra nqs jeni kaq te bindur jepni nje date per njohje dhe nqs ata nuk e njohin terhiqni nga serbia 9 miliard € investime kjo do ishte politike pragmatike jo luga boshe
Por kur vjen puna te biznesi beni budallain ashtu si benit me gazin rus