Kanë nisur homazhet në Kuvend në nder të ish-deputetit Gerti Bogdani, i cili u nda nga jeta ditën e djeshme (18 Shtator).
Në Parlamentin e Shqipërisë ka mbërritur arkmorti me trupin e pajetë të ish-deputetit demokrat.
Ndërkohë kolegët e tij, miqtë dhe familjarët po i japin lamtumirën e fundit.
Homazhet në Kuvend në nder të tij nisën në orën 10:00 dhe do të përfundojnë në orën 12:00.
Më pas, Gerti Bogdani do të përcillet për në banesën e fundit, në varrezat e Sharrës.
Seanca parlamentare që ishte programuar të niste të enjten në orën 10:00 është shtyrë në orën 17:00.
Ndërkohë, Partia Demokratike njoftoi se në nder të Gert Bogdanit ka shpallur të enjten ditë zie dhe për rrjedhojë ka pezulluar të gjitha aktivitetet partiake në të gjithë vendin.
“Në nderim të figurës së ish-deputetit Gert Bogdani, Partia Demokratike ka shpallur ditë zie ditën e enjte, datë 19 shtator 2024. Të gjitha aktivitetet e Partisë Demokratike në datat 18 dhe 19 shtator në të gjithë territorin do të anulohen. Në të gjitha selitë e Partisë Demokratike flamuri kombëtar dhe flamuri i PD do të ulen në gjysmështizë dhe në orën 12.00 do të mbahet një minutë heshtje në të gjitha selitë e Partisë Demokratike”, thuhet në njoftimin zyrtar të PD.
Bogdani ndërroi jetë në moshën 44-vjeçare pas një arresti kardiak.
j.l./ dita
Pse nuk botohet rezultati i autopsise?
Po Lulka qe e hiqi nga listat e Pd-se,a merr pjese mevhollandezen ne vajtim!?Naifirmoni bre!?
Po Lulka qe e howi nga listat e Pd-se,a merr pjese me hollandezen ne vajtim!?Na ifirnoni bre!?