Nuredin Dumani ka patur një ofertë marramendase afro 3 milionë e 935 mijë euro nga disa segmente kriminale për të kryer 16 atentate për ekzekutimin e kundërshtarëve të tyre.
Pas 9 muaj hetime, SPAK ka zbardhur bilancin e vrasjeve të Dumanit, ku mendohet se vlera e ofertës mund të jetë edhe më e madhe se kaq, duke llogaritur vrasjen me pagesë të Regis Runaj, i ekzekutuar me urdhër të Erjon Alibej në Elbasan, – tha një burim pranë Prokurorisë së Posacme.
Prokuroria qartëson se pas mbarimit të “punës” janë kryer edhe pagesat. Ndërsa në disa raste kur atentati ka dështuar, shuma e parave është përgjysmuar ose nuk është dhënë fare.
Janë 16 ngjarje kriminale të porositura me vlera financiare që fillojnë nga 20 mijë euro deri në 2 milion euro duke e kthyer Nuredin Dumani, që tashmë ka fituar statusin e bashkëpuntorit të prokurorisë, ndër më kryesorët në ekzekutimet me porosisë.
m.b./dita
