Ushtria amerikane do t’i shesë Izraelit predha tankesh me vlerë 106.5 milionë dollarë, pasi administrata Biden përdori autoritetin e saj të emergjencës.
Kështu u shpreh Pentagoni përmes një deklarate, shkruan Sky News.
Rreth 14,000 predha tankesh do t’i shiten Izraelit pa shqyrtim nga Kongresi.
Kjo vjen pasi SHBA-ja vuri veton ndaj një rezolute të Kombeve të Bashkuara që bën thirrje për një armëpushim të menjëhershëm në Gaza – pavarësisht se propozimi u mbështet nga pothuajse të gjithë anëtarët e Këshillit të Sigurimit.
Nga 15 anëtarët e këshillit, 13 votuan pro rezolutës. SHBA ishte i vetmi vend që e bllokoi atë, ndërsa Britania e Madhe abstenoi.
Shtetet e Bashkuara kishin sinjalizuar më parë mosmiratimin e draft tekstit. SHBA i ka rezistuar vazhdimisht thirrjeve për një “armëpushim”, duke theksuar të drejtën e Izraelit për t’u mbrojtur pas sulmit terrorist të Hamasit më 7 tetor.
a.c./dita
