70 kërcënime të rreme për bombë në pesë ditët e fundit janë rregjistruar në Francë, shumica e të cilave kishin për qëllim goditjen e aeroporteve.
Sipas të dhënave të Policisë, të gjitha ishin dërguar nga i njëjti e-mail, me origjinë Zvicrën, tha ministri francez i Transportit, Clément Bon.
Ai tha se që nga e mërkura pothuajse gjithmonë përdoret e njëjta adresë e-maili, e cila ndodhet në Zvicër duke vlerësuar se kjo ndoshta është për shkak të shmangies së sanksioneve të caktuara të Unionit.
Bonn theksoi për mediat , se deri më tani janë nisur më shumë se 60 hetime në lidhje me kërcënimet e rreme me bomba.
“Idiotë të mëdhenj, madje edhe delikuentë të mëdhenj”, tha Bonn, duke iu referuar autorëve të kërcënimeve të shumta të rreme.
Sipas tij, vendosja e alarmeve false është jashtëzakonisht e rrezikshme sepse mobilizon forcat e sigurisë për disa orë, si dhe detyron njerëzit të evakuohen, që krijon një problem sigurie.
Një i dyshuar u arrestua të premten për një alarm telefonik në lidhje me Pallatin e Versajës, ndërsa të tjerët u postuan në një faqe interneti të qeverisë, sipas burimeve policore. Franca ngriti sigurinë në nivelin më të lartë pasi mësuesi Dominique Bernard në një shkollë të mesme në Arras u vra gjatë një sulmi me thikë më 13 tetor, ku plagosën rëndë tre të tjerë.
j.l./ dita
