Ish-kryebashkiaku i Shkodrës, Bardh Spahia paraqitet në SPAK

Ish-kryebashkiaku i Shkodrës, Bardh Spahia është paraqitur këtë të hënë në ambientet e SPAK.

Spahia është kallëzuar nga shtetasi Mark Molla që pretendon se ish-kryebashkiaku e ka shkarkuar nga detyra si drejtor i ujësjellësit, pa të drejtë. Vetë Spahia nuk ka dhënë asnjë shpjegim për mediat mbi këto akuza.

Më herët, ish-kryebashkiaku i Shkodrës është marrë i pandehur për mos ekzekutimin e një vendimi gjykate. Hera e fundit që është paraqitur në SPAK ishte në datë 21 janar të këtij viti. Kjo është e disata herë që Spahia paraqitet në ambinetet e Prokurorisë së Posaçme.

Më parë ai ka deklaruar se ishte paraqitur për një çështje që nuk ka asnjë interes publik dhe nuk ka lidhje as me korrupsionin e as me krimin.

i.b./dita