Të gjithë e kanë dëgjuar shprehjen se “paraja sjell lumturi”. Doni një provë që kjo nuk është gjithmonë e vërtetë?
Kjo është historia e William Post III, i njohur si Bud, një burrë, i cili fitoi xhekpotin e lotarisë së Pensilvanias, rreth 16 milionë dollarë në llotari.
Por e hodhi në erë çmimin dhe gjithë jetën e tij brenda disa muajsh nga kjo fitore. Ai u zhyt në borxhe, kaloi kohë pas hekurave dhe madje i mbijetoi një atentati nga vëllai i vet.
Kjo histori që për pak sa nuk përfundoi në tragjedi, filloi kur Bud arriti të mblidhte 40 dollarë pasi vendosi peng një unazë. Ai i shpenzoi këto para për biletë lotarie. Çuditërisht, fitoi një pasuri të vërtetë, të cilln nuk diti ta menaxhonte në mënyrën më të mirë.
Në fakt, vetëm tre muaj pas marrjes së parave, ai kishte 500,000 dollarë borxh! Si të mos mjaftonte kjo, ai zbuloi se vëllai e tij kishte punësuar një vrasës me pagesë, për të vrarë atë dhe gruan, në një përpjekje për të trashëguar paratë e fituara.
Atentati kundër tij u krye, por Bud arriti të mbijetonte. Më pas ai vazhdoi të bënte investime të këqija deri në shpalljen e falimentimit vite më vonë. Përveç kësaj, ai kaloi disa vite burg për shkak se qëlloi në kokë një koleksionist.
“Isha shumë më i lumtur kur nuk i kisha ato para. Të gjithë ëndërrojnë të fitojnë para, por askush nuk i kupton makthet që lindin”, tha ai në një intervistë për “The Washington Post”.
Edhe pse llogaria e tij bankare ishte në të kuqe, ai mbijetoi pjesën tjetër të jetës së tij me pagesat sociale për aftësi të kufizuar.
Bud vdiq nga problemet me frymëmarrjen në moshën 66-vjeçare. Përveç rekordit si njeriu që shkatërroi jetën e tij kur duhej ta rregullonte atë, ai kishte edhe një rekord tjetër: La pas 9 fëmijë nga shtatë martesa të ndryshme.
a.q. / dita