Italia do të ndalojë pirjen e duhanit dhe në ambientet e jashtme. Ministria e shëndetësisë në Itali po përgatit një ligj të ri për duhanpirjen, ku parashikohet që të ndalohet pirja e cigareve në tavolinat e jashtme të lokaleve dhe restoranteve, në stacionet e jashtme të metrove, autobusëve, trenave dhe trageteve.
Ministri i Shëndetësisë Orazio Schillaci, kërkon që të ndalohet pirja e cigareve tradicionale dhe atyre elektronike. Ligji parashikon që mund të pihet cigare vetëm në zona të rezervuara për duhanpirësit.
Parashikohet gjithashtu edhe mbyllja e sallave për duhanpirësit në restorante dhe aeroporte. Nisma do ndalojë të pihet cigare edhe në parqe në prezencë të fëmijëve ose të grave shtatzënë.
Kundër këtij propozimi ka dalë ministri i Transportit Matteo Salvini, i cili e cilëson ligjin e ri të ekzagjeruar. Ligji në Itali parashikon gjoba nga 50 deri në 500 euro për ata që pinë cigare në ambiente të ndaluara.
Masa e gjobës dyfishohet në rastet kur pihet cigare në prezencë të një gruaje shtatzënë apo të një fëmije deri në 12 vjeç.
m.b./dita
