Izraeli filloi të kryejë kontrolle sigurie për ndihmën për Gazën në vendkalimin Kerem Shalom të martën.
Kështu u shpreh Koordinatori i Aktiviteteve të Qeverisë në Territore (COGAT) i Izraelit, ndërsa punonjësit e ndihmës paralajmërojnë se bombardimet izraelite dhe kufizimet e rrepta për furnizimet thelbësore që hyjnë në brez kanë thelluar një krizë humanitare, shkruan CNN.
Pasi të ekzaminohet, ndihma do të dërgohet në vendkalimin Rafah midis Gazës dhe Egjiptit, ku do t’u dorëzohet organizatave ndërkombëtare, shtoi COGAT. Vetëm atëherë ndihma do të lejohet në Gaza. Asnjë furnizim nuk do të hyjë në Gaza direkt nga Izraeli.
COGAT kishte thënë të hënën se do të hapte dy vendkalime për inspektime të martën: Kalimi Nitzana dhe Kalimi Kerem Shalom . Nitzana është një vendkalim midis Izraelit dhe Egjiptit; Kerem Shalom ndodhet midis Izraelit dhe Gazës. Është e paqartë nëse stacioni Nitzana u hap të martën.
a.c./dita
