Kombet e Bashkuara kanë deklaruar të enjten se dy paqeruajtës kanë mbetur të plagosur pasi një tank izraelit qëlloi ndaj një kulle vrojtuese të një baze në jug të Libanit.
“Forcat izraelite kanë goditur vazhdimisht pozicionet e trupave të OKB-së në 24 orët e fundit, duke qëlluar me vetëdije edhe ndaj kamerave të sigurisë”, ka deklaruar misioni i Kombeve të Bashkuara në Liban, UNIFIL.
Më herët, autoritetet libaneze njoftuan se sulmet ajrore izraelite kishin vrarë të mërkurën 5 punonjës shëndetësorë në jug të vendit.
Në total, 115 punonjës janë vrarë që prej muajit të kaluar. Ndërkohë, në Gaza, të paktën 28 personajanë vrarë dhe 54 janë plagosur në një sulm izraelit ndaj një shkolle në zonën Deir al Balah, ku strehoheshin të zhvendosurit.
i.b./dita
