Kremlini ka paralajmëruar se Ukraina në NATO do të ishte “potencialisht shumë e rrezikshme” për sigurinë europiane, duke shtuar se po ndjek me shumë vëmendje samitin dy-ditor.
Të martën, zëdhënësi i Kremlinit Dmitry Peskov tha se Kremlini do të bëjë një “analizë të thellë” të deklaratave të bëra nga udhëheqësit perëndimorë në samit dhe do të marrë masa për të mbrojtur sigurinë e vetë Rusisë.
Ai foli gjithashtu për anëtarësimin e Suedisë në NATO dhe tha se do të kishte implikime të qarta negative për sigurinë e Rusisë. Peskov shtoi se Moska do të përgjigjet me masa të ngjashme me ato që mori pasi Finlanda u bashkua me aleancën ushtarake perëndimore.
Shefi i NATO-s Jens Stoltenberg ka thënë se Ukraina do të marrë një “mesazh pozitiv” në rrugën e saj drejt anëtarësimit, por ndarjet midis 31 anëtarëve të aleancës nënkuptojnë se nuk do të ketë një datë ose ftesë të drejtpërdrejtë për anëtarësimin e Ukrainës.
p.k\dita
