Apeli i Gjykatës së Posaçme kundër Korrupsionit dhe Krimit të Organizuar ka rrëzuar kërkesën e Jamarbër Malltezit për kthimin e celularit të sekuestruar në kuadër të hetimeve për aferën e privatizimit të kompleksit ‘Partizani’.
Përmes avokatëve, Jamarbër Malltezi kishte kërkuar kthimin e telefonit dhe kompjuterave si dhe disa materialeve të tjera shkresore, të sekuestruara me urdhër të SPAK.
Në 16 nëntor, GJKKO e rrëzoi kërkesën e tij për kthimin e sendeve të sekuestruara.
Që prej 21 nëntorit, Jamarbër Malltezi ndodhet në arrest shtëpie pas vendimit të marrë nga gjyqtarja e GJKKO Iliriana Olldashi, e cila pas investigimit të bërë nga Report Tv u zbulua se kishte konflikt interesi.
Dhëndri i Berishës u arrestua në Rinas në 20 tetor, nën akuzën e korrupsionit dhe pastrimit të parave në dosjen e ish-kompleksit “Partizani”.
Ai u mbajt në paraburgim derisa u vendos masa për ndryshimin e masës së tij të sigurisë.
Po ashtu më 20 tetor gjykata vendosi masën e sigurimit pasuror “sekuestro preventive”, për 16 pasuri të paluajtshme të Malltezit, 6 llogari bankare me vlerë 250 mijë euro dhe kuotat e Jamarbër Malltezit në shoqëritë “Homeplan”, “Magnet IMO” dhe “Magnet Gym&Fit.
j.l./ dita
