Gjykata e Lartë ka rrëzuar kërkesën e Sali Berishës për përjashtimin e trupës gjykuese që do shqyrtojë rekursin e tij kundër masës detyrim paraqitje.
Në një shkresë drejtuar GJL, Sali Berisha kërkonte largimin e gjyqtarëve Ilir Panda, Sandër Simoni dhe Sokol Binaj.
Kreu i PD-së argumentonte se gjyqtarët Ilir Panda, Sokol Binaj dhe Sandër Simoni kanë shfaqur mendim në lidhje me çështjen.
Ndaj sipas Berishës, gjykimi i rekursit të paraqitur nga të njëjtët gjyqtarë do të cënonte parimin e “gjykatës së paanshme”.
“Gjyqtarët për të cilët kërkohet përjashtimi nuk kanë shfaqur mendim në çështje të ngjashme, por kanë shfaqur mendim në të njëjtën çështje”, thuhej në shkresë.
Ndërsa kërkoi: “Përjashtimin e gjyqtarëve Ilir Panda, Sokol Binaj, Sandër Simoni nga gjykimi i cështjes penale nr. regj. 61009-00175-00-2025, që i përket rekursit kundër vendimit nr. 1 (87-2025-1) datë 03.01.2025 të Gjykatës së Posaçme të Apelit Për Korrupsionin dhe Krimin e Organizuar”.
Por, kërkesa e Sali Berishës u rrëzua nga togat të zeza të Gjykatës së Lartë, duke vendosur që Ilir Panda, Sokol Binaj dhe Sandër Simoni do të jenë gjyqtarët që do shqyrtojnë rekursin e kreut të PD-së.
j.l./ dita
