Një ditë do të vdesësh. Nuk është një spekulim. Nuk është probabilitet. Është një siguri e pashmangshme.
Është e mundur që qeniet njerëzore të së ardhmes të zbulojnë formulën e pavdekësisë dhe të jetojnë përgjithmonë, duke grumbulluar dhe grumbulluar përvoja pa u nxituar. Por ju nuk do ta arrini atë ditë.
Është normale që, nëse e mendon me kujdes, të shkakton siklet. Është një nga dënimet e racës: të jesh kaq i vetëdijshëm për skadimin e jetës tënde. Merrni kohën që ju nevojitet për të menduar për këtë dhe për ta futur këtë mendim në zemër.
Sapo ta bëni, përqendrohuni në të vetmen gjë që është me të vërtetë e rëndësishme: të mos humbni kot kohën e kufizuar që keni.
Para se të pendoheni….
Por si ta ktheni këtë fatalitet universal në një mundësi? Sipas Jeff Bezos, pronar i ‘Amazon’ dhe personi i dytë më i pasur në planet, çelësi qëndron në ndërmarrjen e rreziqeve. Kështu ka thënë së fundmi në një intervistë për ‘Business Insider’:
“Unë mendoj se kur fillon të mendosh gjërat për të cilat je penduar kur arrin të 80-at, pothuajse të gjitha janë ato që ke patur rastin t’i bësh, por nuk i ke bërë, pra lëshimet.
Nuk po flas për diçka që e keni provuar, por nuk përfundoi mirë. Por për lëshimet, braktisjet e objektivave, mundësive. Këtu gjithçka ndryshon. Pra dështimet dhe gabimet tuaja nuk do t’ju rëndojnë. Ajo që do rëndojë, do jetë gjithçka që nuk keni guxuar të bëni.
Guxoni të ndryshoni karrierën. Shkruajini dikujt që keni lënë pas, por që nuk keni mundur ta harroni. Lini punën tuaj për të kaluar pak kohë duke jetuar përvojën e vetmuar në një kasolle. Regjistroni atë album që keni dashur ta regjistroni prej kohësh, shkruani atë roman që keni shtyrë për kaq shumë vite.
E frikshme? Sigurisht që është e frikshme. Por është e vetmja jetë që keni dhe ajo po fluturon. Më mirë të ngatërroheni duke tentuar gjëra, sesa të kaloni tetëdhjetë vjet thjesht duke i numëruar. Thellë brenda jush, e ndjeni këtë që po themi…”
Vetëm nuk ecën gjatë…
Për të qenë besnik ndaj këtij qëndrimi, shton Bezos në të njëjtën intervistë, është e nevojshme të rrethohesh mirë:
“Kur ke njerëz që të duan dhe të mbështesin, jeni gati të rrezikoni më lehtë, sepse e dini se pavarësisht si do shkojë, dikush do t’ju ndihmojë të ringriheni.
Shtysa individuale, forca dhe guximi brenda nesh, janë thelbësore, por mos e mashtroni veten: Nuk ka objektiv që mund ta arrini pa patur njerëz cilësorë në krah.
Ata funksionojnë si një rrjet sigurie që ju fton të ndërmerrni rreziqe. Ata i shtojnë vlerë botës tuaj. Ndihmojini të tjerët dhe mos kini zor të kërkoni ndihmë kur t’ju duhet”.
a.q./ dita
