Nga Fatma Diko
Është e zakonshme që në shtëpitë tona të gjejmë dyer të brendshme me ngjyrë arre, lisi ose arrni. Këto modele janë tashmë tradicionale për syrin tonë,por është koha për t’i modernizuar ato . Dyert kanë një fuqi të madhe dekorative, prandaj është kaq e rëndësishme zgjedhja e ngjyrës së duhur. Lyerja e tyre është një alternativë që do t’ju lejojë të përditësoni imazhin e shtëpisë tuaj pa shpenzuar shumë.Ka shumë ngjyra që mund të përdorim dhe me të cilat mund të përmirësojmë shkëlqimin, elegancën apo stilin e shtëpisë. Këtu janë disa këshilla për zgjedhjen e ngjyrës së duhur për dyert tuaja të brendshme.
SI TË ZGJIDHNI NGJYRËN E DYERVE TË BRENDSHME
Për të zgjedhur ngjyrën më të përshtatshme për dyert e brendshme, duhet të analizoni karakteristikat e shtëpisë suaj, si drita natyrale që merr, ngjyra e murit, ngjyra e dyshemesë apo stili dekorativ që mbizotëron në të. Pasi të analizohen, mes ngjyrave të mundshme do të jetë po aq e rëndësishme të zgjedhim atë që i përshtatet karakteristikave të sipërpërmendura, si dhe shijeve tuaja.
E BARDHË
Dyert e bardha përshtaten në mënyrë të përkryer me çdo ambient.Lyerja e tyre me ngjyrë të bardhë do të ketë një ndikim të madh në estetikën e përgjithshme të shtëpisë.Vendosja e tyre do ta rinovojë dhe modernizojë hapësirën dhe do t’i japë më shumë dritë. Nëse përdorni të njëjtën ngjyrë në mure dhe dyer ndjenja e vazhdimësisë do të rritet. Me këtë zgjedhje, dyert do të kalojnë pa u vënë re,mobiljet dhe elementët e tjerë dekorativë do të bien më shumë ne sy.
GRI
Gri, është një ngjyrë elegante me të cilën mund të lyeni dyert e brendshme. Tonet e butata të grisë janë një zgjedhje e shkëlqyer për të arritur një atmosferë të ndritshme, të qetë dhe të relaksuar. Me një mur të bardhë mund të krijojmë një kontrast delikat dhe elegant.
BLU
Nga nuancat e benzinës dhe ngjyrës marine, te bluja “pothuajse e zezë” e mesnatës, kjo familje ngjyrash është një opsion vërtet i gjithanshëm për të krijuar një skemë moderne por mikpritëse në shtëpi.Në një dhomë të bollshme siç është dhoma e ndenjes dhe me mobilje të lehta në tonalitete te ngjyrave të tokës,të bardha ose gri, kjo zgjedhje do të ishte një prekje interesante.
E ZEZË
Një tjetër ngjyrë perfekte për të lyer dyert e brendshme është e zeza, veçanërisht nëse muret janë të lehta. Për të siguruar një prekje moderne me nota klasike, e zeza do të ishte zgjedhja e parë. Funksionon shumë mirë në ambientet minimaliste. E zeza është gjithashtu një ngjyrë me shumë personalitet,duke mos lënë indiferent askënd që viziton shtëpinë tuaj.
