Komunitetit Mysliman Shqiptar ka organizuar një ceremoni me rastin e 100-vjetorit të krijimit të tij.
Presidenti i Republikës Bajram Begaj, ka theksuar gjatë fjalës së tij, harmoninë fetare në Shqipëri.
“Komuniteti Mysliman i Shqipërisë ka dëshmuar ndër vite se feja dhe kombi për ta ka qenë dhe është i pandashëm si dy nocione që nuk përjashtojnë njëra-tjetrën. Në veprimtarinë e tyre, ata u përkujdesën për ruajtjen e kohezionit social me besimet e tjera, të vetëdijshëm se ruajta e harmonisë brenda popullsisë me shumë besime në një shtet të ‘brishtë’, ishte domosdoshmëri jetike për kombin.
Pa dyshim, që bashkëjetesa dhe harmonia fetare midis komuniteteve të ndryshme fetare në Shqipëri është një pasuri sa e çmuar dhe e rrallë, dhe për këtë ka kontribuar që në themelimin e tij, Komuniteti Mysliman Shqiptar”.
Në këtë 100 vjetor, fjalë përshendetëse mbajti edhe kryetari i Komunitetit Mysliman të Shqipërisë, Haxhi Bujar Spahiu.
Në përvjetorin e KMSH-së morën pjesë edhe përfaqësues të të gjitha komuniteteve fetare, diplomatë të huaj, por edhe krerë të lartë të politikës shqiptare.
m.b./dita
