Koreja e Veriut lëshoi sot dy raketa balistike me rreze të shkurtër veprimi në drejtim të detit në brigjet lindore, raporton Reuters.
Dy raketa me rreze të shkurtër veprimi u lëshuan nga Sunan, në veri të Phenianit, kryeqyteti i Koresë së Veriut, tha në një deklaratë shtabi i përgjithshëm ushtarak i Koresë së Jugut.
Ishte nisja e katërt e Phenianit në një javë, duke rritur tensionet në Gadishullin Korean, ku marina e Koresë së Jugut, SHBA-së dhe Japonisë zhvilluan stërvitje të përbashkëta kundër nëndetëseve të premten për herë të parë që nga viti 2017 dhe pasi zëvendëspresidentja e SHBA Kamala Harris vizitoi rajon këtë javë.
Koreja e Veriut lëshoi raketa para dhe pas vizitës së Zëvendës Presidentes së SHBA Kamala Harris në Korenë e Jugut, duke shtuar një numër rekord të testeve të armëve këtë vit, dhe Pheniani kreu gjithashtu testin e tij të parë të raketave balistike ndërkontinentale që nga viti 2017.
Duke shënuar 74 vjetorin e forcave të armatosura të Koresë së Jugut, Presidenti Yun Suk-yeol dënoi ato që ai i quajti provokimet e fundit ushtarake të Koresë së Veriut dhe u zotua të shtojë stërvitjet e përbashkëta ushtarake me SHBA.
Këshilli i Sigurimit i Kombeve të Bashkuara ka vendosur sanksione ndaj Koresë së Veriut për shkak të testeve të saj me raketa balistike dhe bërthamore. Pheniani i refuzon sanksionet si shkelje të së drejtës së tij sovrane për vetëmbrojtje dhe eksplorim hapësinor.
o.j/dita
koreja e v de jure komuniste de facto imperialiste po e shtyp popullin aq shum saqë populli atje duhet të përgatitet për një revolucion të fuqishëm. për ta bër këtë duhen bërë palë e popullit ushtarët, që kontrollojn armët e rënda, dhe të binden që ato armë ti përdorin ndaj armiqve dhe jo popullit