Largimi i pushuesve kosovarë nga plazhet e Shëngjinit, Tales dhe Velipojës ka shkaktuar trafik të rënduar gjatë mbrëmjes së sotme (30 gusht), nga Lezha deri në Rrugën e Kombit.
Segmenti më problematik është paraqitur nga Balldreni, Miloti dhe deri në Rrëshen, ku janë krijuar radhë të gjata kilometrike automjetesh.
Për të menaxhuar situatën, policia rrugore është vendosur në pika të ndryshme të aksit, me synim lehtësimin e lëvizjes së automjeteve, megjithatë fluksi i lartë ka sjellë vonesa të konsiderueshme.
Rrugët që përshkojnë Lezhën janë përballur me kaos që prej orëve të mesditës, pasi stuhia e shiut që përfshiu zonën detyroi shumë pushues të largoheshin menjëherë nga bregdeti, kryesisht ata kosovarë.
Rreth orës 14:00 një numër i madh i tyre nisi të largohej nga plazhet, por u përballën me kaosin në trafik dhe radhën e gjatë.
Qarkullimi është vështirësuar gjithashtu edhe në rrugët dytësore, ndërsa dalja nga Shëngjini mbetet problem për drejtuesit e automjeteve. Në akset kryesore dhe kryqëzime janë vendosur punonjës policie për të menaxhuar situatën.
Po paskan qene per plazh,keta kosovaret,.Fundin do i nxjerrin kusise.Ne e kemi ne dere te shpise dhe nuk naa shkon mendja te zhytemi ne ate pisllek.Shohin djellin ne sabah,o burra per Shqipri!Iku vapa me gushtin