Në mesin e atyre që kanë humbur jetën së bashku me liderin e Wagner, Yevgeny Prigozhin, në një aksident me avion pranë Moskës, ishte Dmitry Utkin.
Ai shpesh përshkruhej si themeluesi ose bashkëthemeluesi i grupit mercenar, megjithëse roli i tij i saktë ishte i diskutueshëm.
Utin thirrej “Wagner”, sipas kompozitorit të preferuar të Hitlerit.
Faqja investigative “Bellingcat” shkroi në vitin 2020 se Utkin kishte “një magjepsje obsesive me historinë e Rajhut të Tretë” ndërsa një raport tjetër i fundit e përshkruan atë si “të zbukuruar me tatuazhe të shumta naziste”.
Grupi Wagner, me sa duket u emërua sipas nofkës së tij.
Megjithatë, sipas një raporti të vitit 2020 nga Qendra për Studime Strategjike dhe Ndërkombëtare, një institut amerikan, “nuk mund të verifikohet nëse Utkin inicioi themelimin e grupit Ëagner apo ishte vetëm një drejtues i dikujt tjetër”.
“Bellingcat” tha se kishte të dhëna me burim të hapur që sugjeronin se ai ishte “punësuar për të maskuar origjinën e tij shtetërore”.
Vetë Prigozhin e pranoi themelimin e grupit vetëm në shtator 2022, pasi kishte paditur më parë organet e lajmeve që e lidhën me të.
Si SHBA-të ashtu edhe BE kanë vendosur sanksione ndaj Prigozhin dhe Utkin për rolin e Wagner në Ukrainë.
Në fillim të viteve 2000 ai shërbeu 10 vjet si komandant i Brigadës së Dytë Spetsnaz të GRU-së në kufirin e Estonisë përpara se të tërhiqej nga ushtria.
Megjithatë, sipas ish-bashkëshortes, atij i ka munguar jeta në fushën e betejës.
I parë apo dëgjuar rrallë në publik, ai u pa për herë të fundit në një video të postuar nga Prigozhin në korrik, në të cilën bosi i Wagner iu drejtua luftëtarëve në Bjellorusi, ku ata u dërguan pas kryengritjes së tyre të ndërprerë një muaj më parë.
Në video, Prigozhin prezanton një burrë për të cilin thotë se është Utkin.
Ishte hera e parë që komandanti filmohej duke folur me trupat e tij.
“Ky nuk është fundi, ky është vetëm fillimi i veprës më të madhe në botë, e cila do të vazhdojë shumë shpejt”, thotë Utkin në video.
“Dhe mirë se erdhët në ferr”, shton ai, fjalët e fundit në anglisht.
Raportet nga kanalet e mediave sociale ruse të lidhura me Wagner sugjerojnë se anëtarë të tjerë të udhëheqjes së Wagner mund të kenë qenë gjithashtu në fluturimin fatal.
Sipas Fontanka, një gazetë lajmesh në Shën Petersburg që ka mbuluar gjerësisht operacionet e Prigozhin, pasagjerët e tjerë në bord ishin një kameraman, menaxheri i logjistikës së Wagner dhe stafi personal i sigurisë së Prigozhin.
Ata u emëruan si Sergey Propustin, Evgeniy Makaryan, Aleksandr Totmin, Valeriy Chekalov dhe Nikolay Matuseev.
Chekalov u sanksionua nga SHBA-të muajin e kaluar për lidhjet e tij me Prigozhin dhe për lehtësimin e dërgesave të municioneve në Rusi.
j.l./ dita
Ky është vetëm fillimi i rrëshqitjes tëshovinizmit rus drejtë kaosit të mbrendshëm imperialistët rusomdhenjë të njejtën luftë që bënë me Armeninë kundër Azerbejxhanit sot po të njejtën perendimi u këthen përmes Ukrainës Rusia po shkonë drejtë e në rrëmujë o në grushtë shtet kjo është logjika e zullumit i vetmi shkëputet prej së trashi thotë populli