Kreu i Acromax Aldor Nini tha në emisionin Noë në Euronews Albania se TikTok nuk është një rrjet social më problematik se rrjetet e tjera sociale që përdoren rëndom.
Ai shpjegoi se TikTok njësoj si rrjetet e tjera sociale ka filtra për videot problematike apo adresat e hapura nga minorenë poshtë moshës 13 vjeç.
“Nga monitorimi i mijëra videove që bëjmë përditë, problematika ka si në sistemin e You Tube që ka shortsa, si në Instagram me reelsa ashtu edhe në TikTok te pjesa e videove që nuk vijnë nga persona që ne i bëjmë follow por ato që TikTok i sugjeron në mënyrë të rëndomtë. Si platformat e tjera që ndalojnë videot problematike edhe TikTok ka filtra; në 3 mujorin e dytë të 2024 TikTok ka ndaluar 14 mijë video shqiptare problematike, në mënyrë automatike.
Këto 14 mijë video sipas statistikave, kanë përfaqësuar 91 për qind të videove problematike, 9 për qind nuk janë kapur automatikisht, ajo që shohim ne është ai 9 për qindëshi”, tha ai.
