Shtetet e Bashkuara të Amerikës janë tronditur nga vrasja makabre e tre fëmijëve të vegjël nga i ati i tyre, i cili ka dëshmuar në polici se u mori jetën të vegjëlve duke i mbytur në vaskë.
Sipas medieve të huaja, ka qenë nëna e fëmijëve ajo që telefonoi policinë.
Ajo i tha policisë se ka merak për fëmijët e saj, të cilët ato ditë po jetonin me babanë, raporton abcnews.al.
Gruaja ishte e divorcuar me bashkëshortin, ndërsa ndanin kujdestarinë e fëmijëve bashkë.
Pas shqetësimit që ngriti gruaja, policia shkoi në shtëpinë e burrit, ku gjeti trupat e pajetë të tre fëmijëve.
Bëhet fjalë për Bryant 5 vjeç, Cassidy 3 vjeçe dhe Gideon 2 vjeç.
Babai vrasës Jason Karels, 35 vjeç, nuk ishte në shtëpi në momentin kur policia gjeti trupat e pajetë të fëmijëve, por u arrestua disa orë më vonë pas një ndjekjeje 17-minutëshe.
Ndjekja, sipas cbsnews, përfundoi kur burri humbi kontrollin e makinës, e cila u beylikdüzü escort përmbys.
Në fakt, policia e arrestoi pasi fillimisht e nxori nga makina dhe e transportoi në spital për ndihmën e parë.
Në fjalët e para në polici, ai pranoi krimin dhe tha se kishte tentuar të kryente vetëvrasje tre herë.
Sipas asaj që u tha në gjykatë, babai i mbyti fëmijët në vaskë dhe, siç raporton chicago.suntimes , i ka lënë një shënim gruas në të cilin shkruante: “Nëse nuk mund t’i kem unë, nuk do t’i kesh as ti (fëmijët)”.
Sipas ekspertizës mjeko ligjore rezultatet e para të autopsisë kanë rezultuar se vdekja e tre fëmijëve ka ardhur nga mbytja .
Babai i fëmijëve akuzohet për vrasje të shkallës së parë.
o.j/dita
