Është publikuar procesverbali i mbledhjes për zgjedhjen e Kryetarit të Komitetit Kombëtar të Organizatës së Veteranëve dhe Pasardhësve të LANÇ të Popullit Shqiptar, “Nderi i Kombit”.
Komisioni në mbledhjen e parë të datës 28.02.2023 diskutoi statusin e komisionit si organ i përkohshem i propozuar nga Kryesia e Komitetit Kombëtar si edhe u përcaktuan detyrat e tij.
Në mbledhjen e dytë te datës 09.03.2023 u diskutua për kriteret dhe procedurat për zgjedhjen e kandidatit për kryetar.
Në mbledhje u përcaktuan dhe miratuan kriteret për kandidatin pèr kryetar si dhe u përcaktua proçedura e përzgjedhjes.
DOKUMENTI I PLOTË:
Proces verbal i mbledhjes për përzgjedhjen e Kryetarit të Komitetit Kombëtar të Organizatës së Veteranëve dhe Pasardhësve të LANÇ të Popullit Shqiptar, “Nderi i Kombit”.
Komisioni në mbledhjen e parë të datës 28.02.2023 diskutoi statusin e komisionit si organ i përkohshem i propozuar nga Kryesia e Komitetit Kombëtar si edhe u përcaktuan detyrat e tij.
Në mbledhjen e Komisionit morën pjesë sh. Murat Dardha – n/kryetar, sh. Vjollca Trebicka – n/kryetare, sh. Elidiana Canaj – n/kryetare dhe sh. Pelivan Hysi – anëtar i kryesise & kryetar i Komitetit te Veteranëve per Tiranën.
Në mbledhjen e dytë te datës 09.03.2023 u diskutua për kriteret dhe procedurat për zgjedhjen e kandidatit për kryetar.
Në mbledhje u përcaktuan dhe miratuan këto kritere:
KRITERET
- Kandidati të jetë veteran i LANÇ, ose pasardhës i drejtpërdrejtë i një veterani të LANÇ.
- Të jetë një personalitet publik i njohur, me një figurë morale të pastër, i padënuar penalisht pas vitit 1990.
- Të përfaqësojë denjësisht në publikun shqiptar dhe në marëdhëniet me institucionet dhe organizatat qeveritare e joqeveritare, vendase dhe të huaja, organizatën më të madhe e më të rëndësishme në vend, Organizatën e Veteranëve dhe Pasardhësve të LANÇ të Popullit Shqiptar, “Nderi i Kombit”.
- Të jetë afirmuar publikisht në mbrojte të vlerave të LANÇ (të ketë kontribuar me botime, pjesëmarrje në konferenca etj).
- Të ketë kryer arsim universitar dhe të dijë një gjuhë të huaj.
- Të ketë aftësi drejtimi, organizimi dhe një vizion të qartë për punën e Organizatës, si dhe të njohë e të zbatojë me korrektësi Statutin dhe Rregullat e brendshme të Organizatës.
- Të dëshmojë se është bashkëpunues, të dëgjojë e të vlerësojë mendimet e bashkëpunëtorëve të tij në Kryesi si dhe të anëtarëve të organizatës.
Komisioni njëkohësisht përcakoi dhe proçedurat që do të ndjekë gjatë funksionimit të tij.
PROÇEDURA e përzgjedhjes së Kryetarit të Komitetit Kombëtar të Organizatës së Veteranëve dhe Pasardhësve të LANÇ të Popullit Shqiptar, “Nderi i Kombit”.
Proçedurat për shqyrtimin e propozimimeve të kandidaturave për kryetar të Komitetit Kombëtar të Veteranëve dhe të Pasardhësve të LANÇ, të Popullit Shqiptar, “Nderi i Kombit”, mbështeten në nenet 17 (pika ç) dhe 23 të Statutit të Organizatës dhe pika 2 , “Detyra të veçanta të Kryetarit”, tek Rregullore e Brendshme ( ajo që është në fuqi).
- Pranon dhe regjistron dokumentat e kandidatëve (brenda 20 ditëve pas shpalljes në gazetë të kritereve që kërkohen të përmbushen për zgjedhjen e Kryetarit të ri të Organizatës)
- Shqyrton dhe vlerëson brenda 10 (dhjetë) ditëve, mbi bazën e kritereve të miratuara dokumentacionin e paraqitur nga kandidatët.
- Njihet me listën e antarëve të Komitetit dhe të Kryesisë së organizatës për të verifikuar kandidaturat e paraqitura.
- Përgatit Raportin përfundimtar lidhur me kandidaturat e përzgjedhura që plotësojnë kriteret e përcaktuara dhe ia dorëzon atë Kryesisë
Shënim:
▪ Çdo deklarim që kandidati përfshin në CV-në e vet duhet t’a shoqërojë me dokumentacionin zyrtar përkatës (diploma, dëshmi etj.)
▪ Mbledhja e radhës e Kryesisë të zhvillohet një javë pas Komisioni i ka dorëzuar Kryesisë së Organizatës Raportin përfundimtar lidhur me kandidaturat që plotësojnë kriteret për t’u zgjedhur në postin e Kryetarit.
▪ Kjo mbledhje do të përgatisë thirrjen dhe zhvillimin e mbledhjes së Komitetit Kombëtar.
Përfundimet dhe vendimet e kësaj mbledhjeje si edhe kriteret, procedurat e zgjedhjes së kryetarit të Organizatës së Veteranëve dhe Pasardhësve të LANÇ të Popullit Shqiptar “Nderi i Kombit” dhe afatet do të publikohen në gazetën “Kushtrim Brezash”.
Firmosur / Komisioni:
Av. Spartak Braho
Prof. Dr. Ksenofon Krisafi
Prof. Dr. Pëllumb Xhufi
Prof. Dr. Fatos Tarifa
Dr. Dorian Koçi
Dr. Drita Shehi
Liliana Konomi Mero
