Dy javë pasi u mor i pandehur nga Prokuroria e Posaçme Antikorrupsion, kryebashkiaku socialist Eduard Duro paraqitet në SPAK, i shoqëruar nga avokati i tij.
Duro u mor i pandehur nën akuzën “shpërdorim detyre”. Komunikimi i akuzës iu bë pasi kryetari i Bashkisë licensoi një biznes karburanti që ishte ndërtim pa leje.
Hetimi i SPAK erdhi pas një kallëzimi të depozituar në Prokurorinë e Posaçme Antikorrupsion nga një subjekt tjetër.
Në lidhje me këtë çështje, Duro në një reagim zyrtar u shpreh se sektori i tatim taksave ka dhenë autorizim për shitje karburanti brenda dhe konform ligjit.
Në lidhje me lajmin e dalë, Eduard Duro shprehet: “Sektori i tatim taksave ka dhënë autorizim për shitje karburanti brenda dhe konform ligjit. Shtetasit J.K dhe M.K kanë bërë denoncim se ky dokument nuk duhej dhënë subjektit “Genci Petrol”. Kam firmosur çdo gjë siç e kërkon ligji dhe nuk bëhet fjala për shpërdorim detyre por për detyrë të plotësuar në kushtet e një kryetari bashkie.”
j.l./ dita
E cfare ka per tu cuditur ketu mos ka bere ndonje marrezi.Ne Durres ne lagjen 12 tek 30 vjetori nje i cmendur ka zene gjithe hapesiren publike para dhe pas pallatit duke mos u lene banoreve asnje cm2 siperfaqe te lire , ka ndertuar ne trotuar dhe ka zene 80% te trotuarit duke u lene kembesoreve vetem 1m gjeresi per te kaluar, ka rrafshuar me token gjithe muret ndares te katit pare qe jane mure konstruktive , mbajtes dhe antisizmike duke rrezikuar jeten e gjithe pallatit nga shembja e mundeshme nga ndonje termet. Te gjitha keto kane ndodhur ne sy te policise , inspektorit te zones, IMT se , policise bashkiake dhe si shperblim bashkia e lejoi te bllokonte dhe nje vend parkimi para dyqanit duke u zene frymen perfundimisht banoreve . Ky eshte shteti qe duan shqiptaret, nderto pa leje ne trotuar dhe pas pallatit blloko gjithe hapsiren publike rreth 400m2 qe mund te perdoresh per parkim , dhe si shperblim bashkia te jep dhe 2 vende parkimi ne rruge. E hajde mos te na fuse Europa ne BE . A do guxonte te bente nje marrezi te tille ne trotuar ne mes te dites ne Vjene, Itali apo kudo ne Europe, epo ketu jemi ne Shqiperi ndodh cdo gje qe nuk ta merr mendja.