Deputetja e Partisë së Lirisë, Monika Kryemadhi është paraqitur mesditën e kësaj të hëne pranë ambienteve të Prokurorisë së Posaçme kundër Korrupsionit dhe Krimit të Organizuar.
Kryemadhi është paraqitur pranë oficerit në zbatim të masës së sigurisë “detyrim paraqitje” të vendosur nga Gjykata.
Ndërkohë në hyrje të ambienteve të SPAK ndodheshin gazetarët të cilëve Kryemadhi iu tha: Ato videot mi qani, mi bëni shumë të bukura.
Kujtojmë se GJKKO ka caktuar ndaj Monika Kryemadhit masës e sigurisë “detyrim paraqitje”, pasi po hetohet nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA.
Po për këtë dosje po hetohet bashkëshorti i saj, Ilir Meta, me të cilin është në proces divorci. Aktualisht Ilir Meta ndodhet në qeli, pasi ndaj tij është caktuar masa e sigurisë “arrest me burg”.
j.l./ dita
