I ftuar në emisionon Shqip, me Dritan Hilën ishte i ftuar Kudusi Lama, ish- gjeneral i Divizionit të Kukësit i cili foli mbi zhvillimet e gjyqit në Hagë për ish- krerët e UÇK-së. Lama tha se për të Gjykata e Hagës ka rënën në nivelet e mesjetës akuzat e të cilës janë të dështuara.
“Raporti i Dick Marty-t ka pasur parasysh në raportin e tij trafikimin e organeve njerëzore si rrjedhojë e grabitjes së njerëzve dhe përdorimit për këto çëshje. Çështje që nuk ka gjetur asnjë fakt dhe ka rënë, së dyti atje trajtohen çështje sikur këtu janë marrë trafiqe të ndryshme të të gjitha kategorive.
Sikur ata nuk kishin detyrë luftarake, por kishin organizuar diçka për t’ u marrë me këto, drogëra etj. Dhe këto kanë rënë të gjitha dhe tani prokurorët po merren me dëshmitarët dhe i mashtrojnë përballë shpërblimeve që u japin. Nuk kanë ndonjë dhimbje shpirtërore për luftën, për UÇK dhe ata vihen lehtë në shinjestrat e këtyre kategorive organizimeve.
Mashtrimi kryesor që u bëhet atyre është se i thuhet që do jeni dëshmitarë të fshehtë, ata nuk e dinë se do jenë përballë tyre, por kujtojnë se do jenë pas perdeve. Ata do shkojnë para tyre sepse ndryshe ajo Gjykatë përbën jo vetëm shkelje të thjeshtë të të drejtave të njeriut, por shkelje të rëndë të të drejtave të njeriut.
Për mua kjo Gjykatë ka rënë në nivelet e mesjetës deri këtu e ka shtrënguar vetveten duke e parë dështimin. Prokuroria duke u marrë me probleme të tilla, duke u hermetizuar nga opinioni deklaron dështimin e saj, të akuzës që kanë bërë”, u shpreh Lama
