Kreut të Strukturës së Posaçme kundër Korrupsionit dhe Krimit të Organizuar i jepet titulli “Kampion i Antikorrupsionit” kur i ka mbetur edhe një vit nga mbyllja e mandatit në krye të SPAK. Të njëjtin “medalje” morën edhe 9 të tjerë.
Ajo që bie në sy në vlerësimin e dhënë nga Departamenti Amerikan i Shtetit është se të gjithë kampionët e luftës kundër korrupsionit vijnë nga Afrika, Lindja e Mesme dhe Amerika Latine.
Për Gambia-n, një shtet i Afrikës Perëndimore e mori Marr Nyang. Ai është një aktivist i të drejtave të njeriut që si angazhim kryesor ka luftën kundër korrupsionit.
Një tjetër afrikan, këtë herë nga Uganda. Jimmy Ssentongo, është akademik dhe mbrojtës i të drejtave të njeriut.
Nga Lindja e Mesme është Carl Irani, nga Libani. Gjykatësi kryesoi disa nga rastet më të rëndësishme të korrupsionit shtetëror në vend, mes tyre atë të shpërthimit në portin e Bejrutit më 2020.
Kampionët e luftës kundër korrupsionit në Amerikën Latine vijnë nga Panamaja dhe Kolumbia. I pari është Javier Salazar, Prokurori i Përgjithshëm dhe i dyti kapiteni, Jorge Cortes, i Interpolit që udhëhoqi ekipim anti-korrupsion në hetimin e një sërë abuzimesh me fondet ndihmëse për Covid 19.
Tre të fundit janë nga Azia.
E para është Srbuhi Galyan, Ministrja e Drejtësisë së Armenisë. Një tjetër grua, është në listë, këtë here nga Azerbajxhani. Ajo është gazetare dhe ish e dënuar politike, Sevinj Vagifgizi.
Kampioni i fundit për luftën kundër korrupsionit dhënë nga DASH është Didar Smagulov nga Kazakistani, që udhëheq një organizatë jofitimprurëse për çështjet e korrupsionit.
Si tha ai gjyshi (N. Prela RIP) tek filmi “Ne fillim te veres” nje me hodo leckaman.
Pa patur asnje synim te ofendoj z. Dumani, qe eshte i nderuar per punen qe bene, shikoj ata kampionet e tjere dhe them ku kemi shkuar te krahasohemi me gambian e uganden.