Kuvendi i Kosovës ka dështuar edhe në tentativën e shtatë për konstituimin e Kuvendit të ri të dalë nga zgjedhjet e 9 shkurtit.
Deputetët e opozitës kanë refuzuar për herë të pestë kandidaten e LVV për kryeparlamentare, Albulena Haxhiu.
Seanca e radhës do të mbahet të martën, njoftoi kryesuesi i seancës konstituive, Avni Dehari.
Përfaqësues të partive parlamentare thanë në prag të seancës se nuk i kanë ndryshuar qëndrimet nga seancat e kaluara, duke paralajmëruar një dështim të radhës të seancës.
Gati tre muaj pas zgjedhjeve të 9 shkurtit, procesi ka ngecur për shkak të mospajtimeve mes disa prej partive më të mëdha parlamentare për postimin e kryetarit të Kuvendit.
Konstituimi i Kuvendit, i nisur më 15 prill, dështoi gjashtë herë radhazi, për shkak se partia fituese, Lëvizja Vetëvendosje, nuk po arrin t’i sigurojë votat e nevojshme për kandidaten e saj për kryetare, Albulena Haxhiu.
Vetëvendosje ka 48 ulëse nga 120 sa ka Kuvendi i Kosovës.
j.l./ dita
