Inteligjenca britanike ka zbuluar foto të avionit rus të rrëzuar nga grupi ushtarak.
Dhe jo një avion dosido, por i rëndësishëm për Kremlinin dhe presidentin Putin.
Siç raportohet nga Ministria e Mbrojtjes e Mbretërisë së Bashkuar në raportin e saj të përditshëm për luftën në Ukrainë, forcat e mbrojtjes ajrore të kompanisë private ushtarake rrëzuan helikopterët ushtarakë rusë dhe një aeroplan të postës komanduese ajrore Ilyushin.
Nga Shën Petërburgu ka arritur njëherazi lajmi se gjatë kontrolleve në Hotel Trezzini, që shërbente si vend qëndrimi dhe zyre për Prigozhin, janë gjetur veç të tjerave, edhe 4 miliardë rubla, para kesh, ekuivalente të rreth 44 milionë euro.
Këto para sipas Prigozhin shërbenin për rrogat e mercenarëve dhe për dëmshpërblimet e familjarëve. Paratë janë gjetur në një furgon të Wagner të parkuar në hotel.
Revolta e udhëhequr nga kreu i paraushtarakëve, Yevgueni Prigozhin, ka qenë maja e një ajsbergu që lundronte në Donbas prej muajsh.
Rusia ka hasur në atë majë të akullt, e pavetëdijshme për rrezikun e varësisë ushtarake nga mercenarët.
Aq më tepër kur elita është thellësisht e përçarë, ekonomia në rrënim, popullsia e demoralizuar dhe ushtria e paaftë dhe joefektive. ‘Kokteji’ është aq konfuz, sa askush nuk di si të reagojë.
Lëvizja e fundit e paraushtarakëve mund t’i shtojë benzinë zjarrit.
j.m. / dita
