Miroslav Lajçak i dërguari i Bashkimit Evropian për dialogun Kosovë-Serbi, ka intensifikuar takimet me faktorin ndërkombëtar në kuadër të hapave të ardhshëm për dialogun Kosovë-Serbi.
Përmes një postimi në platformën X, Lajçak njofton se ka zhvilluar takime me zyrtarë të rëndësishëm në Romë për Ballkanin Perëndimor dhe dialogun për normalizimin e marrëdhënieve në muajt e ardhshëm.
“Shumë i kënaqur që jam sot në Romë. Pati diskutime të rëndësishme me Këshilltarin Diplomatik të Kryeministrit Meloni, Fabrizio Saggio dhe Zëvendës Sekretarin e Përgjithshëm të Ministrisë së Jashtme të Italisë, Carlo Lo Cascio, për Ballkanin Perëndimor dhe Dialogun për normalizimin e marrëdhënieve në muajt e ardhshëm”, shkruan Lajçak.
Një ditë më parë Lajçak theksoi nevojën urgjente për normalizimin e marrëdhënieve ndërmjet Kosovës dhe Serbisë, duke shtuar se “ky normalizim është thelbësor për stabilitetin e rajonit, zhvillimin ekonomik dhe përparimin drejt Bashkimit Evropian”.
j.l./ dita
