Largohet nga drejtimi i Policisë së Tiranës, reagon Tonin Vocaj

Tonin Vocaj largohet nga detyra e tij si drejtor i Policisë së Tiranës. Ai do të zëvendësohet nga Elton Alushi. E ndërsa lë detyrën, Vocaj ka shkruar një letër falënderuese për rrugëtimin e tij në këtë post.

Ai ka falënderuar të gjithë kolegët e tij për punën e bërë në këto katër vite ndërsa shton se reduktimi i krimeve ka qenë i dukshëm në volum.

“Falë bashkëpunimit Tuaj të palodhur dhe përkushtimit të pashoq, situata kriminale në qytetin tonë ka njohur stabilizim të dukshëm. Ky vit ka regjistruar vetëm 8 vrasje, nga të cilat vetëm një rast me prapavijë krimi të organizuar, 7 vrasje të zbuluara dhe të dokumentuara me prova të pakundërshtueshme ligjore. (për vrasjen e ndodhur me date 13.11.2024, po punohet nga një grup i posacëm hetimor).

Reduktimi i krimeve në volum ka qenë i dukshëm është evident një ulje të ndjeshme të vjedhjeve dhe veprave penale kundër personit. Siguria në shkolla dhe lufta pa kompromis kundër shpërndarësve të lëndeve narkotike ka qenë një konstante në punën tonë.

Po kështu ky qytet është vizituar nga miljona turistë të cilët fal Jush kanë gjetur një ambjent të sigurtë. Dua të vë në pah përparimet e arritura në Bashkinë e Krujës, e cila ka kaluar në juridiksionin tonë rreth një vit e gjysmë më parë. Situata e rendit dhe sigurisë atje është shumë më e stabilizuar se më parë, dhe kultivimi i bimëve narkotike në territorin e bashkive Tiranë, Kamëz dhe Vorë është pothuajse inegzistent”, shkruan Vocaj.

i.b./dita