Ministri i Jashtëm rus Sergey Lavrov do të takohet sot me homologët ukrainas dhe perëndimorë në një takim të Këshillit të Sigurimit të Kombeve të Bashkuara.
Mbledhja do të informohet fillimisht nga Sekretari i Përgjithshëm i OKB-së Antonio Guterres dhe prokurori i Gjykatës Penale Ndërkombëtare Karim Khan.
Muajin e kaluar, kryeprokurori i Ukrainës për krimet e luftës tha se zyra e tij po hetonte pothuajse 26 mijë raste të dyshuara për krime lufte të kryera që kur Rusia pushtoi Ukrainën më 24 shkurt dhe kishte akuzuar 135 persona, raporton News.sky.
Këshilli i Sigurimit nuk ka qenë në gjendje të ndërmarrë ndonjë veprim domethënës lidhur me pushtimin, sepse Rusia është një anëtare e përhershme dhe ka të drejtë vetoje, së bashku me Shtetet e Bashkuara, Francën, Britaninë dhe Kinën.
Megjithatë, mbledhja e së enjtes do të jetë takimi i 20-të i Këshillit të Sigurimit për Ukrainën këtë vit.
j.l./ dita
