Një arsye më shumë për të protestuar. Kështu e cilësuan studentët udhëzimin e Ministrisë së Arsimit mbi frekuentimin në auditorë, që datonte në fund të vitit akademik, por që u njohën me të vetëm tani.
Për këtë arsye, MAS ka zgjedhur të bëjë një hap pas duke u tërhequr nga udhëzimi në fjalë (nr. 13, datë 20.06.2022) për të ribërë një të ri, i cili e kthen frekuentimin në shkolla siç ka qenë më herë, fakultativ për leksione dhe të detyrueshëm në pjesën dërrmuese të seminareve.
Ndonëse nuk janë kryer studime për këtë, kujtojmë që një pjesë e familjeve shqiptare nuk përballojnë dot kostot e jetesës së fëmijëve në universitete. Për këtë arsye, këta të fundit detyrohen të punojnë për të siguruar të ardhurat e duhura për shkollimin, librat apo jetën e shtrenjtë në kryeqytet. Në këto kushte, rikthimi i leksioneve me detyrim pamundëson e shpesh vështirëson kryerjen e të dy veprimtarive, punë-shkollë.
Gjatë gjithë fundjavës, rrjetet sociale kanë gëluar nga të rinjtë e zemëruar pas vendimit të Ministrisë. Nga ana e tyre, studentët kanë kërkuar një ndihmë prej 100 eurosh për të përballuar jetesën, por që nuk ka marrë ende përgjigje në rrugë institucionale.
Udhëzimi:
Pak gjë ka ndryshuar nga ajo që ka qenë më parë. Në rreshtat e veprimtarive që kryhen në universitet është hequr fjala leksion duke lënë vetëm seminare, laboratorë dhe praktika profesionale apo klinika për t’u zëvendësuar me një fjali, e cila u lë dorë të lirë të rinjve. “Frekuentimi i procesit mësimor përcaktohet në rregulloren e programit të studimit. Frekuentimi i leksioneve është si rregull fakultativ, por institucionet e arsimit të lartë mund të përcaktojnë, në aktet e tyre të brendshme rregullatore, frekuentimin për lëndë/grup lëndësh të veçanta”, citohet në pikën 3 të futur rishtazi në udhëzimin e firmosur në datë 7 dhe që u bë publik një ditë më vonë.
Jo vetëm leksionet, por edhe seminaret në ciklin e parë të studimeve nuk përmenden si kusht pjesëmarrjeje për t’u futur në provime. Të vetmit, frekuentimin e të cilëve e përcakton Ministria e Arsimit janë masterat, e të gjitha llojeve, profesional, master shkencash apo arteve, të cilat kërkojnë një total orësh prej 75% në raport me totalin. Në udhëzim mbetet edhe cikli i tretë i studimeve që përkon përkatësisht, 50% pjesëmarrje në seminare, 75% në orët e laboratorit dhe 75% në aktivitete profesionale, klinike apo kërkimore-shkencore.
j.l./ dita
1. Ky problem mund te zgjidhet me kushtin që:
Studentet duhet, “ta marin diplomen me merit”.
2. Po te kete materjale mesimore cilesore, mund te kete raste qe
studentet mund te mesojne ne menyre te pavarur.
3. Kjo ben te mundur te behet “diferencimi cilesor”, jo “partijak”
i pedagogeve, ne perputhje me “cilesine e leksjoneve te tyre”,
që tregon, “sa mire e zoterojne lenden” si dhe kane “perkushtimin e
dedikimin e duhur” per ti shprehur idete e tyre me “fjale te thjeshta”,
ne “menyre konçize”, te ilustruara me “shume shembuj”, qarte e sakte.
4. Gjithmone ka ndodhur qe studentet, jane apo nuk jane te punesuar,
frekuentojne leksjonet e njerit pedagog te pregatitur, shume me teper
se leksjonet e nje pedagogu tjeter, qe nuk eshte ne nivelin qe duhur.
5. Ka ardhur koha per tu pregatitur nga shtepia me “Tele Leksjone dhe Tele Problema”
6. Qe te “Mos behen vleresime subjektive”, duhet qe “problemat te zgjidhen”
ne sitemet e kompjuterizuara per marje ne provim ne laboratoret perkatese.
7. Kerkohet qe perdagoget ti pregadisin leksjonet qe mund te lexohen
e degjohen nga studentet ne kompjuterat e tyre, apo te mara me qira,
ne kohen e tyre me te pershtateshme ne funksjon te orarit te punes.
8. Kjo krijon mundesine te behen kursime te medha, te shmanget korruppsjoni,
te eleminohet “shitja e permbajtjes se problemve, ushtrimeve”.
9. Kjo mund te realizohet, ne se futen ne sistem 500 problema dhe ushtrime, dhe prej tyre kompjuteri sipas “metodve te rastesise” zgjedh, percakton, per shembull 30 problema.
10. Dy studente qe mund te jene prane njeri tjetrit ne “laboratorin komjuterik”,
do te zgjidhin probleme te ndryshme dhe mundesia per te kopjuar do minimizohet.
11. Kopjimet jane nje nga fazat e para te korrupsionit.
12. Ne kete menyre studentet do te kenë:
* Me shume liri veprimi.
* Do mund te ulen shpenzimet e shkolles,
* Do marin vleresimin, noten qe meritojne.
* Pedagoget do selekjonohen e do dalin ne pah
ato qe jane me produktive.
* Korrupsjoni do pakesohet, minimizohet.
13. Nje pedagog e programuse, Romeo Teneqexhi, ka bere nje pune
te jashtezakoneshme ne parandalimin e korrupsionit nepermje sistemeve
kompjuterike.
14. Algoritmi i tij i sukseshem u neglizhua nga vete ministria e aresimit
10 apo 15 vjet me pare.
Pse?
15. Nuk kishte lene nje dere te hapur ku “mimistria” te mund te kishte akses
per te percaktuar disa rezultate siç i deshironin ato.